سعود العصيمي
سلام الله على اللي غايب ٍ عنا سنه وشوي = ولا ادري غيبته بالمملكه والا بخارجها.!!
اله مدة سنه ماعاد لايهدم ولا يبني= عساها غيبة ٍ في خير ويحصّل نتايجها!!
ابراهيم الجذع
هلا يا مرحبا ترحيب حياً بالضميـر الحـي=ترا الدكتور حاضر وإن لقا العله يعالجهـا
ليا شبيت نـار القـوم عنهـا يزبنـون الفـي=على ما قال عبدالله هوى الغربي يسارجها
سعود العصيمي
يدوم الك البقا واخر علاج ٍ للمريض الكي=واظنك مستحقه واطلب المولى يفرجهـا.
علام ادياركم راحت خلا ماكن فيها حـي=بعد كانت ربيع وكل ناظر عين تبهجهـا.
ابراهيم الجذع
صحيح اللي تقوله مير وسم أهل المرض بيدي=تشوفـه يـوم بعـض النـاس تحرجنـا ونحرجهـا
ليـا جـا فالعلـوم اعلـوم مـا لسـي غـيـر الـسـي=كـبـود الـربـع نثلجـهـا كـبـود الـقــوم نفلـجـهـا
سعود العصيمي
ترا ميعادك الرسمي قريب مابقى لـه شـي=واظــنـــك 95% تـدرجــهــا!!
ابيك تساعد الطيب وابيك تحاسب المخطـي=واشوفك يالجذع ودك جميع الناس تبنجها!!!
ابراهيم الجذع
نبا نقصف من صقور السما ما فوق غبـة مـي=ليا من شفت بعض الناس تقصف من بوارجها
تـرا منتـه بعـي وصاحبـك مـا هـوب والله عـي=ومــن يـقـدر عـلـى مـهــر الهـلالـيـه تـزوجـهـا
سعود العصيمي
انا مااحسدك خير و عينك احذر لاتعاين في=تعين في جمال البدو من تقدر تساهجهـا!!
ولاني جاهل ٍ فالناس من ياخذ ومن يعطـي=ولي من دون حالي حيلة تقدر تخارجهـا.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|