غنى البحر على ذعاذيع الانسام=يامن سنح هاك الخفوق ونزلها
الله من ضيم الليالي والايام= اللي على اهل الطيب تشعب جملها
يالايمي عساك والله تلام=على الذيابه كيف هاشت ثعلها
ياصاحبي سوق المطايا لقدام=ولاتريح من وعرها وسهلها
خلك مع اهل الطيب جزام لزام=منهون نقضها بالمعزه فتلها
الفارس اللى مامعه درع وحزام=ماهيب أله لوقال بلعون انا لها
مثل الذى صلا صلاته ولاصام=اهل الريا مايقبل الله عملها
مالك ومال معقدن روس الكمام=اخيرمنعجل الدعاوى مهلها
اردع هوى نفسك ولاتصيرمنضام=والنفس لاتحاول تبين زعلها
ولاانت ياراعي علومن من العام=اتعرف راعيها لياجت لهلها
ياملبس علومه قماشن من الخام=قل اثمرتها اللى يبين خجلها
كم صارلك تزرع على الدرب اللغام=تباتضيعهاوربي عقلها