السلام عليكم ورحمة الله وبركاته . وبعد
اخواني الاعزاء مشرفين ومراقبين واعضاء وضيوف الهيلا.
الشهر عليكم مبارك وكل عام وانتم بخير.
بمناسبة بعض البرامج التي تعرض بالتلفاز السعودي .
يعلق بعض الممثلين هداهم الله على البادية ويسخرون منهم وهذا لايجوز ابدا الواجب الاحترام المتبادل بين الممثل والمشاهد . ومادام يسمون الفن رساله ويعالج قضاياء المجتمع . فيجب اختيار المفيد من الكلام والقضاياء وبدون تجريح.
وهذه الابيات بمناسبة الموضوع اعلاه.
لعل ان تنال اعجابكم واستحسانكم.
من يسب البدو جعل الشين فاله = مايسب ابناء الحمائل غير بومة
كل شعب(ن) فيه بالدنياء حثالة = والردي ماتنقص الطيب علومه
والبلد معروف بالشدة رجاله = وبالرخاء والامن تبلش في رخومه
والشيوخ البدو واصحاب الجلالة = هم سباع الليل لغابت نجومة
هم حماة الدين عن جهل وظلالة = بالجهل والدين تعرف ومحشومة
وحدوها من جنوبه لشماله = من بحرها لبحرها ومحكومة
والبلد صفوا مشاريبه وجاله = بالسيوف الحدب قصوا من يهومه
والبدو رجالهم عمه وخاله = ساسهم معروف ماتضعف عزومه
نطرق الصافي ونشرب من زلاله = هازمين الفرس والروم مهزومه
وان غزينا دار وزعنا حلاله = وان غزانا جيش صدينا هجومه
يوم بعض الناس يجفل من ظلاله = وان حداه الخوف لو تاخذ هدومه
وإيتشبه بالنساء كفوه لحاله = وان تكلم في سواليفه نعومة
لعنة الله مكسبه لاجل انحلاله = انهدم حظه ودنياه مهدومة
ويتهزاء بالبدو ماشاف حاله = مكتسيه العيب راسه مع بهومه
يسخر التافه وسماها رساله = والتخلف والجهل بحره يعومه
يشذب خيار العرب خبث ونذاله = والصفاة الطيبة فيه معدومة
الدخون التبغ والخرشة دلاله = والفضيحة ملبسه ليله ويومه
نرفع الشكوى لحكام العدالة = والوزير اللي يساندهم نلومه
السفيه يرد لايكثر هباله = اختلاط وفسق ماهي بمهضومة
وكان مال الشعر وقفة في مجاله = وش لزوم الشعر خله وش لزومه