هذه القصيدة إهداء إلى الشيخ / ساير بن شميسان بن خزام العضياني
ياراكب اللي مابعد ساقه اللاش = ما ساقه عيال الرخم والدراويش
اللكزز اللي يودع الراس شواش = هو منوت اللي منتوي للمطاريش
أخر موديل ولونه ابيض من الشاش = حسب الطلب جاني ولا به بخاشيش
قم يانديبي ناوي اليوم مغباش =دوك الرسالة قدم كل المغابيش
وجه لنجد ابعد عن السيف والطاش = دار الشيوخ اللي خذوها بعد طيش
وجه لراع الطيب حلال الأبلاش = ستر العذارى ضافيات العكاريش
يغبن له كبود ولكبود إنعاش = غيث يغيث الكبود المعاطيش
ماهوب خبل للرديات فتاش = عقيد قومه من رجال مداغيش
ولا هوب مسكين عن الضيف ينحاش = فيه الكرم والطيب مابه تغاشيش
وإن قيل منهو قلت هاك الخبر كاش = ساير زبون المرجله يالاكاديش
ميراد لكبود على الطيب عطاش = شوق الهنوف اللي تحط المناقيش
ذباح حيل من حسينات الادباش = سديد راي ولا دخل فيه تشويش
ما هوب في عرض المقفين نهاش = جعله يدوم إلنا على الطيب ويعيش
راعي فعول تودع الفكر ينداش = محطمن صعبات الأرقام بشويش
نهجله دروب عسيرات وحراش = كسبه جزيل وكسب غيره محاويش
وكتبته ما يخفي الفكر والجاش = مثايل ما عدها للمغاشيش
وعداد مايرعد ومارش رشاش = صلوا على المبعوث من صفوت قريش
الشاعر / أحمد فهد حربي العضياني