مساكم الله بالخير جميعا
هذه قصيده للشاعر الكبير /
عبدالمعين بن ثعلي العتيبي وهي موجهه للشيخ /
فيحان بن هذال بن هذال بن فهيد الشيباني امير قبيلة الشيابين وهي كالتالي :
يا اهل الونيت اللـي جديـد (ن) مديلـه = ورد مـديـلـه عـــام خــمــس وثـمـانـيـن
مـــــــاوردوه الا لـــمــــن يـسـتــويــلــه = مـامـهــجــوه مـــدوريــــن الـبــعــاريــن
شيـلـوا علـيـه وخفـفـوا مــن مشـيـلـه = مـن وادي (ن) علـه صــدوق المقابـيـل
وادي (ن) لعل الغيث يسقـي مسيلـه = وادي الـمــزارع والـنـخـل والبـسـاتـيـن
ســجــوا لاطــــراف الـفـريــع ونـجـيـلـه = يـــوم اذن الـمــذن لـفــرض المصـلـيـن
ولا إلــيــا راقــــد خـلـيـلــن لـخـلايـلــه = يسري به اللي يسرى من الليل ثلثين
والـــخــــط والله مـايـبـيــلــه دلــيـــلـــه = خـط الجـنـوب الـلـي علـيـه الشيابـيـن
تلـقـى المجـالـس والبـيـوت الضلـيـلـه = وهـذي عوايـدهـم مــن اول وهالحـيـن
اهـــل بـيــوت (ن) مـدوريــن الجمـيـلـه = فـي واجـب الدنيـا وفـي واجـب الديـن
سـلـم عـلـى فيـحـان شـيـخ القبـيـلـه = شـيــخ القبـيـلـه والقبـيـلـه مطيـعـيـن
وقـلــه يـابــو نــــواف زبــــن الـدخـيـلـه = يــا كـاسـب الجـمـلا اولــوف ومـلايـيـن
مشـكـور فــي مــد العـطـايـا الجـزيـلـه = وألـكـم عـلـى صـنـع العـطـايـا قـوانـيـن
مــهــوب رديــــان الـوجـيــه الـبـخـيـلـه = هـرامـة المجـلـس كـــروه المعـاطـيـن
ولا انـت مـن سـاس الحصـان الاصيـلـه = هــذال اخــو هـمـلا صـعـوط المجانـيـن
زيــــزوم نــمــر مــثــل نــبــو الـرفـيـلــه = لـشــد نـاصـيـهـم يــشــدون مـقـفـيـن
وألـهـم عـلـى بــوش الضـديـد تحـويـلـه = يـــــــردون الــصـــادريـــن الـمـغــبــيــن
مــرويــن مــذلــوق الــرمــاح الـطـويـلـه = لامـثـالـهــم وامـثـالـهــم مـسـتـعـديـن
وألـيــا عـصـوهــم لـلـعـصـاة الاصـيـلــه = لـلـحـق لـلــذي قــــر قــــرت مــوازيــن
تحياتي للجميع