بدون زعل اسمح لي يا بن رووق
انا مبتعد عن محاورات الشباب والجيل الجديد
واول مره اشوف المحاورة ذي واسمع باسلطان الجذع
بصراحه تحسب له محاورة جيده لشاعر مبتدي
لا اعرف ظروف المحاورة
ولكن
السناني شاعر وانا لا اقيمه
الخيال اللي سرى نوه على نجد العذيـه
بعد بكرة تتعلم به جهينـه فـي بلدهـا
نعتبرك من اطيب الرعيان راعين الرعيه
مير لاتطوي البيوت اللي نبا نرفع عمدها
محمد السناني
الخيال اللي سرى في نجد رحمه عالمية
ياحليل المزنه اللي وبلها يسبق رعدها
الرعيه ضفها ملفـي وقدمهـا هديـه
مادريت ان الخلوج تحن وتدور ولدهـا
سلطان الجذع
خل عندك ياوسيع المعرفه للخير نيّه
انت عينك مغتشيها دمعها والا رمدها
ابو وافي يعطي الجزلة ويستاهل خويه
بارك الله في عدودٍ ماتخيّب من وردها
بيت السناني وش دخله بالموضوع
ليش يخرب سير الجذع بالمعنى
واساسا المعنى من عند الجذع المفروض يمشي معه واذ عنده نقض ينقض من المعنى ولا يخرج عنه
لاشياء اخرى
وهذي مشكله اغلب الشعراء المعروفين يحاول تهميش الشاعر المبتدي واللتفاف على المعنى حتى
الجمهور يعتبره المسيطر على المحاوره
( انا عممت على اغلب الشعراء لاتقولون اني متحامل على السناني )
تحياتي
الله حسبي عليك يابن رووق تراك المسؤل عن اي شي يحصل