[& محمد خالد القحطاني &]

بخيت السناني
سـلام رديتـةٍ تلفـي سـوات السهـم,,,,,,,,ونظام ساهر عجـز لايلقـط أراقمهـا
ياصاحبي كـان تبغانـا نسـج القـدم,,,,,,,,,,,,أنته تعرف الديـار وتعـرف إنظامهـا
السناني يقول كانك تبينا نسري المحاورة مع بعض فأنت تعرف قوانين الشعر وانظمته


معتق العياضي
يامرحبا عد مـن صلـى وزار الحـرم,,,,,,,,,,,,تسليمتـك مسرعـة والطـرق قدامهـا
سج القدم للعرب مالـك ومـال العجـم,,,,,,,,,,ترى العجـم يمنـا ماسجـت أقدامهـا
رد العياضي يقول سج القدم للعرب واعتقد انه يقصد لأمر طيب في رمزية العرب ومالك ومال العجم
اعتقد الكلام اللي ماله داعي

بخيت السناني
دام البقاء يالرجال أهل الوفاء والكـرم,,,,,,,,,ياعـزوةٍ بالمعـزة رفعـت أعلامهـا
نبغى نسج القدم ونشوف حمـر النعـم,,,,,,,,,,,الشـر مـن دونهـا والخيـر قدامهـا
رد السناني يقول نبي نشوف حال الساحة الشعبية


معتق العياضي
أنتم وحنا علـى الطالـة رفعنـا العلـم,,,,,,,,,,,ميـر إنتبـه للسنيـن ودورة أيامـهـا
مدري تمنى تشوف الإبـل وألا الغنـم,,,,,,,,,,والبدو دايـم تضيـم ولا حـدٍ ضامهـا
رد العياضي يقول وش تبي تشوف الصالح والا الطالح من الشعار
والبدو ويقصد بالشعار او المستشعرين دايم مهزلة وكذا ماحد وقف لهم

بخيت السناني
الليلـة أنتـه تلـد العيـن بأيـة نجـم,,,,,,,,وأنته تعرف النجوم وتعرف أحجامهـا
يقول انت تلد العين لاي شاعر ؟ وانت تعرف الشعراء والغير شعراء

أنـا أتمنـاك وأنتـه طيـبٍ تبتـسـم,,,,,,,شوفتك تكفي عسى الله يمهـل أيامهـا
رد يقول يكفيني شوفك انت

معتق العياضي
ماباقي ألا العلوم اللـي تقـص العظـم,,,,,,,,وشلون أقبـل خشـومٍ زايـد إعرامهـا
يقول حال الساحة الان مزري وشلون اتابع لشعراء او مستشعرين معطين اكبر من حجمهم

من أول أبغى أرحمك وأثرك ماتنرحـم,,,,,,,يادوب الأخصام ماغارت على أخصامها
البيت هذا يحتمل اكثر من تفسير

المهم ان المعنى وصل


هذا والله اعلم كلها اجتهادات شخصية

تحياتي

آخر تعديل & محمد خالد القحطاني & يوم 02-Jun-2011 في 03:58 AM.