حبيب العصيمي
ساحة الشعر تال الوقت مثل المنامه=مار جـ الشاعر الي مثل درع الجزيرة
مايطيح العقال ولاتطيح العمامه =وفي يميني سلاح وفي حزامي ذخيرة
ناصر الشلاحي
ساحة الشعر تنعم بالف خير وسلامه=و انت طرقي مع السكه يدرهم بعيره
كل واحد على ما قيل يحمـا كلامـه=تعتبر كلمته حجه و كلمـه اخيـره
حبيب العصيمي
مايضيع البعير الي قضبنا خطامه=وانت ياناصر اطلب ربنا فـ الستيرة
من يعد الكلام الصدق عًدى الملامه=والمشاريه ماجات الوجيه السفيره
ناصر الشلاحي
لو تحت الحروف نحط رمز و علامه=كان غرق العصيمي فالبحور الغزيره
لو كلن على مـاراد يـدرك مرامـه=كان يمدي حبيب شيخ ظلم و عشيره
حبيب العصيمي
عقب الي ليا وقف تراعد عظامه=والعصيمي يجيكم بسيوف الشطيره
ناصر يحقق الي يطلبه في منامه=مار لامن صحى لازم يعاتب ضميره
ناصر الشلاحي
جعلك تصير ايمام و تلتزم باليمامه=مالك و مال ناصر خل شره و خيره
لو ربع شعيل امديه زامي سنامـه=مير بين الجمال القشر ظايع هديره
حبيب العصيمي
اسرجي ياخيول وخيلي ياغمامه=لان نطحن حبوبه فـ الرحى المستديره
لانت راعي شداد ولانت راعي مسامه=ودكم بل الغناه وفـ البيوت الفقيره
ناصر الشلاحي
ميلي يا غصون و لحنـي يـا حمامـه=لين يزعل منير و يعتزي فـي منيـره
كان ما تعرف الواحد ما تعرف مقامـه=و انت مانته سوات الشمس في كل ديره
حبيب العصيمي
القصور الكثيره غير قصر اليمامه=ولاحسبنى سمير ولاحسبنى سميره
ماورى بعض هرج الناس غار الندامه=كيف ترمي بنفسك وسط نارٍٍ سعيره
حبيب العصيمي
و
ناصر الشلاحي
صحت السنتكم ع .هذا المحراااف الراائع
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|