قصيده لخالي الشاعر خاتم نجم صاطي السريح
رثاء في اخيه ياسر رحمة الله عليه
وش يقول المشتحن قبل تذرف دمعته= ضايقن صدره وفاقد من العينين عين
راح اخوي وليت عندي امل في جيته= واعرف انه مستحيل الامل والله يعيين
باقين فالوقت والوقت خيب هقوته= وماخذت منا الليالي ماردته السنين
جعل قبرن ضم ياسر تسيال تربته= من حقوقن وبلها يبهج القلب الحزين
تاخذ اسبوعين من جمعته لا جمعته= مافصل ودانها والبرد منها متين
ياكريم الوجه طالبك تغفر زلته= تسكنه في روضة من رياض الصالحين
وجعل شربه سلسبيل يبرد حرته= وجعل لبسه سندس ونلتقي فيها اجمعين
طالبك يالله تحقق دعاي ورحمته= وطالبك يامستمع لاسمعت تقول امين
آخر تعديل بـنـاخـي خـويـس يوم 14-May-2011 في 04:59 AM.