السلام عليكم ورحمة الله وبركاته
اعضاء وزوار منتديات االهيلا الرسمية..
يسعدني التواصل معكم بهذه المتواضعه
(قصيدة بعنوان::سلم الحجّر:: )
تعبر عن مافيها..
::يوتيوب::
ياوجودي يوم سقت الرجل لرجم وطرالي=من هجوس الذكريات الماضيه مليون طاري
وجد من يونس على صدره كما حد السلالي=وفوق وجهه لندامه والحزن صاير مواري
اهجدوه القوم واخذو ذوده بـ سود الليالي=وانتحو واوحى حنين الغافله وابدا العباري
ثمّ صاح وقال لـ ابنه جا لـ ميقافك مجالي=ردها تكفى وانا خابرك رداد الثواري
قال تبشر وأحتزم واجزم بروحه مايبالي=وأركبو فوق الاصايل والـ حقو والليل ساري
ويوم وصلوهم وبان الفعل ماهو قيل قالي=واشتبك عج الرمك فـالحرب مع صوت السواري
ثور الشايب خطاء من بندقه وقت القتالي=طلقةٍ منها غدا أبنه محزمه ذيب الغــداري
وانكف عن القوم وادموعه كما وبل الخيالي=لو لمحها كافرٍ صدق لـ مسلم والبخـــاري
وعاش في دنياه ضايق بال وايضاً فـ انعزالي=مرٍ ايدار الدمــوع ومر مايقدر ايـــداري
اتوجد مثل وجده مير حاله غير حالي=يوم وقت الرجم مني هلت العبره جباري
قمت اناظر شرق غرب وللجنوب ولـ الشمالي=واتذكر وقتنا اللي فات باقيله شـــواري
من سبب غرو(ن) غلاه ايزيد مع طول الليالي=لاعبٍ بي لعب كلي مثل لعب اعظيم ساري
حطم الرقم القياسي بالغلا مابه جدالي=بايعٍ روحي من أجله للخطر لـ ارضاه شاري
كامل الأوصاف مايوف ولله الكمالي=بالتغنج والجمال اليوسفي دايم ايماري
وانقطع وصله وهو ماوده ابقطع الوصالي=غصب عنه..ولـ الظروف القاسيه عيا يجاري
احجروه ابناء عمامه واصبح اوصاله محالي=والقدر حكمه صعيب ولا يجي حسب اختياري
أشهد ان الحجّر سلم غير عن سلم الرجالي=ينقص المقدار ويحطم طموحاتٍ كثاري
أخوكم:عناد الشيباني