قصيدة للشاعر العلم / مستور تركي العصيمي العتيبي
ردا على تحريف ضعفاء النفوس لاحد موالاته ونشره عبر البلوتوث
سلام منـي عـد مايطلـع النـور=واعداد ماتمطر من الغيـث غيمـه
سلام من شاعـر محنـك ودكتـور=دكتور في بدع اللحـن والوسيمـه
بابور فكري يطرب امواج وبحـور=ويزفني بيـن البحـور الطميمـة
يابن فهد يامحكم الـراي والشـور=حكيم من روس الرجـال الحكيمـة
عبدالعزيز بطيـب الفعـل مذكـور=الكل يدعي لـه عسـى الله يديمـه
عد الروى يصلونه ورود وصـدور=يروي الكبود الضاميـات المحيمـة
له مع رجال المعرفة والكـرم دور=الاصل طيـب والمواقـف عظيمـة
يامير انا في مهجتي قصر معمـور=من دونكم ماشـوف للعمـر قيمـه
واخلاصنا من ماضي الوقت مخبور=مخبور من ماضي العصور القديمه
يامير انا من فعل الانـذال مقهـور=تحريفهم للقـول احسـه جريمـه
سمعت بين الاجهزه علـم منكـور=مايفعله من فيـه غيـرة وشيمـة
محرفين الصدق بالكـذب والـزور=اهـل الحكايـا والحقـد والنميمـة
يقلون شوفوا واسمعوا قول مستور=وهي علي مـن الظلايـم ظليمـه
احلف وانا ماني على الحلف مجبور=اني لكـم مخلـص بنيـه سليمـه
ياعل من خلفك فـي جنـة الحـور=في جنة الفـردوس ينعـم نعيمـه
.
وتقبلوا تحياااااتي
خلف بن مرزوق