بسم الله
اخواني واخواتي قصيده متواضعه اقبلوها كما هي
ياطيب غر الهجوس وجزل الامثالي= والصدق مع خالق الامه محليها
من واقعٍ مر ماهو واقعٍ حالي= ودموع عيني من الرهبه تغنيها
قامت علي الهموم الوان واشكالي= ماهي هموم الحياه ولا حواليها
يهز قلبي من الاهات زلزالي= من غفلت كنت اعيشبها ومعطيها
عمري واعرض حياتي لاشعب الالي= في عالم الغي والضلماء مسريها
يالله رحمتك يا معبود يا والي= رحمتك يا خالقٍ خلقه وهاديها
يا راحم الكون كله ترحم الحالي= حالي غريقه ولا غيرك ينجيها
غرقان في الذنب ن رجلي لعقالي= سترك ستر زلةٍ ماني براضيها
لو تدري الناس عني محد يبرالي= ما غيرك انت اللذي يعلم خوافيها
تستر وتستر وتسترني ولا ابالي= وانت اللذي تفني العالم وتحييها
وليا تذكرتك اسجد خوف واجلالي= واتوب من عثرتٍ ماني براعيها
وادله واعود وعزلي وعزالي= اقلها النضره اللي تبت ما أثنيها
واتوب واقول يا علام الاجالي= ما ارجي سوى الرحمه اللي عند واليها
املت فيه وفيه خابت امالي= تبعت الي جرت(ن) ضاعت حراويها
لو المراد الحياه احيا وانا سالي= ابيعها بالهوى والغي واشريها
ميرا لبلاء ما مقيم الا ورحالي= الرحله اللي كثير الناس ناسيها
هي منتها ما بديت ومبتدا التالي= مشيتها بالرضا بالغصب ابا امشيها
لا حجرجت ما نفع عمي ولا خالي= نفسي تنازع وداع الموت يدعيها
ثم ابتدت سالفة حلي وترحالي= اهديتها غصب ما هو طوع مهديها
وصاح المصيح وشقق جيبه الغالي= وعينه على اغلى هله هلت عباريها
وامطر عليه من الهمال همالي= عساه يغسل ذنوبٍ كنت جانيها
ونادى المنادي وقال بصوته العالي= صلو صلاة المدع وأختصر فيها
يا حيلت الله بعدها كيف منزالي= والضمه اللي بحضنه ويش اسميها
ترحيب ها وش بعدها يابري حالي= والضيفه اثنين وأعمالٍ تباريها
امسيت واصبت وحدي في الخلا الخالي= وغياهب القبر في اولها وتاليها
وماندمي في خلاي الدود واعمالي = ماغيرك انت اللذي يعلم ويحصيها
ولا غير عفوك لضيفك فال وعقالي= رحمتك يا خالق خلقه ومفنيها
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|