مشكور يالغالي
وهذي بعض احديات الشيخ مناحي الهيضل (راع البرصا) رحمه الله
من احدياته
ياحسيـن ورش حدهـا **حتى مضاربهـا تبيـن
كـم سريـه نحتـدهـا **كـل القبايـل خابريـن
قـم يالعبيـدي بـدهـا **واحلب لها الشقحا السمين
صفـرا سريـع ردهـا **تخمر اليا شـد الجريـن
ولـــــــــــــــــــــــه
لي مهرتن فيها دحـم ** تلحق بعرق فيه ريش
والطير يبغي له لحـم ** ملزوم نطرح له دويش
ولـــــــــــــــــــــــه
الديرة الها سلـة ونصـاب ** ونصابهـا خـف ومــراه
ربعي كما سيل النحا نهـاب ** يركب على روس العدام غثاه
وان ماخذينا البيت بالاطنـاب ** يحرم علينا نجـد مانرعـاه
وكانت احديه مناحي ردا على احديه عيد ابا العويرا التي يقول فيها :
الصيف طاح بديرة الاجنـاب ** وسحج العشاير هايفت لغثـاه
ستين ليـل خادميـن حجـاب ** واليـوم كـل ماقفـه ينخـاه
من لايجي في الماقف الغصاب ** ياربعنـا ماتنتوخـذ عـذراه
بار القريب وباروا الاصحاب ** ولاعاد ينفعنا قصيـر الشـاه
ياذيب ياللي في الخـلا قنـاب ** عن نجد قزاني قنيـب عـواه
ولـــــــــــــــــــــــه
نركب على الحرقا بلدن عروق **في ضف بوش بالخطر نرعاه
الراس منها كنـه الصنـدوق ** وان حركوا حبل الرسن شـذاه
باغ اليا حديو على الخنتـوق ** وكل طرق راسه عن الاهواه
اردها لعيون زاهـي الطـوق ** عافـت بعلهـا ماتبـي نمـاه
ولـــــــــــــــــــــــه
جان الكتاب مزرف بهروج ** لانيب لا كاتب ولا قاريـه
يابدر مطلوب علي الغـوج ** والغوج لابايع ولا معطيـه
عنانـه بلحيانـه يسـوج **عابيه للهيجا وانا راعيـه
وقال احد رجال شمر
جتكم خيل مـن شمـال ** خيل تذري عين الشمـس
خيل الحدب وابن رمـال **بشلف تحمس الخيل حمس
فرد عليه الشيخ مناحي
نطيحهم جمـع الاخـوان ** بمهيفات ماتدانـي اللمـس
مسبلين في رضى الرحمان ** ومخلصين ديونهم قبل امس
ولـــــــــه
ياعد مذكـور مسـاس ** عد لأبن هـادي قديـم
حنا نزلناها بعشر أفراس ** لعيون سايجـة البريـم
العد المقصود هو بئر الأروسه وهي من أملاك محمد بن هادي بن قرمله
المصدر
كتاب احديات عتيبه
منقول