أتعبني الترقيم من سوق في سوق = كني موظف في حراسات الأسـواق
لزقت فيها لزقت علـوك باطـوق = حتى عرفني كـل بايـع وسـواق
من شافني يقول تاجـر ومرمـوق = فاللبس أنا رسمي ورايـق وذواق
وانا منتـف فالحقيقـة ومزنـوق = حظي مجنب بي عن دروب الأرزاق
عقلي من الخفرات لاذع ومحروق = من يفتحون السوق وانا على ساق
ألحق بنات الناس هايم ومطفـوق = مخباي مليانه من أركـان الاوراق
شبّكت هند وريم والثالثـه شـوق = والرابعه والخامسة وعد واشـواق
دايم وجوالي على الآذن ملصـوق = محبوبتي ما تحتمـل بعـد وفـراق
تقول"ثامر"وإسمي الصدق"مرزوق" = لا يا بعد ثامر ومرزوق وإسحـاق
العب عليها لعب عاشق بمعشـوق = وأبني براس الحلوه جسور وانفاق
هذي سلوم اهل الهوى كلها بـوق = اكثر ضحايا الناس فالوقت عشـاق