ياللي نويـت البعـد للبعـد ماأطيـق=وشلون أطيق امبادل الوصل بفـراق
إعدل عن الراي العوج وافرج الضيق=وبدّل ظلام طـوق الـروح باشـراق
وارفع بنود الحب واهتف بتصفيـق=لاتستمـع لهـروج حاسـد ونفّـاق
هاذي عوايد زايـد الهـرج تلفيـق=وخصٍ على العشاق تلقـاه ينسـاق
تقول ماخذله مـن أبليـس تصديـق=لتفريق شمل أهل المحبه والأصـداق
عسـاه بالدنيـا قليـل التوافـيـق=ويحشر مع اهل النار لاالتفت الساق
ياصاحبـي جذيـت كـل المعالـيـق=وأحرقتهنه يابعـد عمـري إحـراق
وأعدمت حبي لك بنقـض المواثيـق=وش فايده بالحـب لاصـرت بـواق