[أبو مرحبا]

السلام عليكم ورحمة الله وبركاتة


هذه القصيدة أعجبتني وأتمنى أن تنال على أعجابكم

مع مقطع صوتي لهذه القصيدة شيله

لاتعتذر مال الهجر منك تبرير =صدك بليا ذنب والله ظليمه
ماصارلي بعدك يفوق اي تصوير =تجددت كل الجروح القديمه
بعدك لعبي هاجسي والتفاكير =وقلب (ن)جريح وروح صب(ن)مهيمه
ماغير اسلي خاطري بالمشاوير =اروح وارجع والهواجس مقيمه
ياحبي اللي بين بيض الغنادير =لك في عروش القلب قدر وقيمه
ان كان صدك ماخذك عني الغير =روّح ولو ان الخساير وخيمه
وان كانها عني خذتك المقادير =فالعفو عند المقدره فيه شيمه
يامرحبا والحب كله معاذير =تشفع لك ايام الغرام القديمه
يوم الهوى لازارني منك أعصير =أضم في صدري من اجلك نسيمه
واليوم اصبر خاطر الوجد تصبير =واقول صدك عقب وصلك جريمه
ولاجاك مني ياهوى البال تقصير =مواقفي وياك والله عظيمه
صخرت لك مشاعر الشوق تصخير =وامطرتك بحبن تقفاه ديمه
وظللتك بجفني وصارت مسافير =يوم الغلا بين النديم ونديمه
واليوم ماتنفع كثير المحاذير =تفاغمت بين النفوس الحشيمه
عسى سنينك روض عشب ونواوير =محد لنفسه يرتضي بالهزيمه
اما تخاويني على الشر والخير =والا السلامه منك راس الغنيمه

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي