سلام يامنتدى الهيلا خوال الرسول
تسليمتن وافيه مني على اصحابهـا
نبى نصوت ونسمع ربعنا وش تقول
واللي يبارز بكلمه يحسب حسابهـا
................................................
يامرحبا يا سهيل امن الرجال الزحول
ترحيبت الهاجس الي قالهـا جابهـا
ياسهيل ضهر الجمل يشتال كل الحمول
حتى مع اخفافها حتى مع اصعابهـا
............................................
دام البقى ياصحيب(ن) مايكب الاصول
يوم الاسامي بعضها يسبـق اعرابهـا
ماكل من شال سيف الحرب جاب الذلول
خل اللحى من كرمها تحفـظ اشنابهـا
...........................................
ياسهيل انا من هل العادات واصل الفعول
اقـرى بعنوانهـا ياسهيـل واكتابـهـا
هذا صحيح الكلام ولا بقي فيـه قـول
لكننـا نحسـب الكلـمـة وندرابـهـا
.........................................
يالمورقي هات مفتاحك وفك القفـول
وش داعي الخزنه اللي مافتح بابها
لو اخذ الدور واعلمك مسرى الخيول
يمكن تجي حسنة الاعمال بأسبابهـا
.......................................
يالعازمي كان ماتعرض عليها الحلـول
عيبـن علـى الـي يباريهـا ويعنابهـا
الخيل دارت على المسرى وقامت تجول
واشره على الي عجز لا يعرف ابوابها
............................................
ياللي تصفر ترى مانيب مثلك جفول
اميز الهرجه اللي جيـت تسعابهـا
الظاهر انك مضيع في اختبار القبول
مار السنين الطوال تكشـر بنابهـا
..........................................
يااسهيل خابرك رجل ولا لحق فيك لوم
لاترمي الرميـة الا تعـرف اسبابهـا
لاطول السالفة لن كان عيـت تتطـول
الغلطـة الـي بلتنـي جعـل تبلابهـا