بسم الله الرحمن الرحيم
ايه الاخوة الفضلاء هذه ابيات متواضعه مما جادت به القريحه ومن جديدها عسى ان يكون فيها لي ولكم موعضه وعبره
ياغافل عـن سكـرة المـوت والمـوت=لا بدلـه ياميـت القـلـب يـاتـي
وليا حضرك الموت ماينفـع الصـوت=اينفـع الغافـل كثيـر الشماتـي
لا تغرك الدنيا ترى العمر موقوت=وايامـهـا وليالـهـا فانـيـاتـي
كـم طاغيـن فيهـا ويـزداد جبـروت=اليـوم فـي قبـره عضامـه رفـاتـي
عليـه دارن الدوالـيـب بسـكـوت=ياليـن ناحـن فـوقـه النايحـاتـي
طعني وتـب قـدام ليفوتـك الفـوت=تبـدد احلامـاك وتصـبـح شتـاتـي
اتحطـت فـي صـدعٍ مـن الارض منحـوت=وحيـد ولحـود الـثـرى موحشـاتـي
كان العمـل صالـح فلنتـه بمشمـوت=تـراه انيسـك داخـل المضلمـاتـي
وان كان في دنيـاك لاهـي ومفلـوت=تمشي علـى درب الغـواة العصاتـي
مضـيـعٍ ديـنـك ولاهــي ومكـبـوت=لا ذكــر لاطـاعـة ولابــه صـلاتـي
تراك ما انت بطيـب الحـض مبخـوت=لا والله الا فاخـتـتـك النـجـاتـي
ارجـع لمـن نجـا نبيـه مـن الحـوت=ربٍ رحـيـم مـكـون الكايـنـاتـي
اللي خلق جنه بهـا انهـار وبيـوت=جـزى هـل التوحيـد والمكرمـاتـي
والنار يوقدها جـزى كـل سربـوت=مسكـان قاسيـن القلـوب الطغاتـي