كل واحد من العالم وعنده وطن=والسعودي بفضل الله له موطنين
قلب ابو متعب اطهر قلب وانقى واحن=ومملكتنا الحبيبة قبلة المسلمين
يالله انّك تكافينا شرور المحن=واحفظ بلادنا من زمرة الحاسدين
وادفع الشر واهل الشر واهل الفتن=واكفنا شر من لافيه تقوى ودين
سيدي لو يلوح البرق شام ويمن=والذواري تهب شمال والاّ يمين
والله انّا سلاحك لو يطول الزمن=وانّ شعبك سيوفٍ فالوغى ماتلين
نهدي ارواحنا ل/اجلك بليّا ثمن=ماحسبنا لمن خطّط (لثورة حنين)
فدوة أكرم يمينٍ تعطي بدون من=وفدوة ارضٍ سكنها خاتم المرسلين
وانت شيخ الوطن لالا ولالا ولن=يختلف ودّنا والود راسخ مكين
انت قلب الوطن والشعب كلّه بدن=انت لمواطنك نبضٍ وروحٍ وعين