هذه ابيات قالها العميد/عرّان بن مطلق العضياني في وفاة الشيخ/نايف بن جحيدل المرشدي
لاوالله الا مات يامنيف رجال=رجال يحسب فاللقاء والخسارة
ريف الخوي يامنيف ومنفد المال=عزيزفي ربعه ذرى بيت جاره
ومعذور لو دمعك على الخدهمال=معذورلودمعك يصب بغزاره
لكن عزاك الصبر والصبر حلال=ومفرق الخلان هذا شعاره
يقول ريف الركايب:
اجزلت ياعرّان في بدع الأمثال=ويكفي عن القول الكثير أختصاره
الحق قلت وكلمة الحق تنقال=لوكان ماتطفي عن القلب ناره
دنيا تقلب كل يوم على حال=لين احجبت عنا رفيع المناره
شيخ السرى والسير ومجري الذال=يبكونه اللي يعشقون الصقاره
يبكون وقفاته ومايشرح البال=من زود حلمه وهيبة وقاره
ويبكون ربع فالقسى لهم جال=حول سريع الموت بأعلى جداره
ويبكون ضيفان مضرين بأنوال=تلقى نواميس المكارم بداره