[رائد العالي]

السلام عليكم ورحمة الله وبركاته



للوطن علينا حقوق لن يوفيها كلام ولا قصائد ولكن هنا ستجدون بوح من مشاعري



القصيده صوتيه





http://www.m6m3.com/u/up_live/m6m3.com12999527301.mp3

يادارنا حنا لك جنود يادار=والله يذل اللي يبى ذل داره
هذا الوطن من دونه اموال واعمار=والكل في الخدمه ورهن الإشاره
في ظل قادتنا حكيمين الاشوار=الشعب وافي والمحبه شعاره
واللي يبي مابيننا يشعل النار=ماهو بلاقي عندنا الا دماره
لابارك الله فيه مشلول الافكار=والله ليتعب مالقى الا الخساره
يبغى الأمن ينهار والشعب ينهار=واللي يدفه يرتقب لانهياره
ماشاهد اللي صار في بعض الاقطار!=اللي كوارثها بدت من شراره
اللي يريد الشر محصوله اضرار=واللي يريد الخير دام انتصاره
وحنا لدولتنا ولو صار ماصار=يبقى عَهَدنا ماتغير مساره
اللي زرع بقلوبنا خير مابار=اليا احتمى الميقاف يجني ثماره
والله يابو متعب ليبطون الاشرار=مادنّسو دار الشرف والطهاره
وتبقى المليك العادل المخلص البار=ويبقى وطنّا دايماً في الصداره

وسلامتكم ودام عز الوطن

آخر تعديل رائد العالي يوم 13-Mar-2011 في 06:47 PM.