[عناد الشيباني]

	السلام عليكم ورحمة الله وبركاته عاضاء وزوار منتدى الهيلا.. اقدم لكمن هذه المتواضعه عسا ان ترتقي لذائقتكم

طبيت سوق" فيـه شـاري وبيـاع=وكل" على شري الجزيلـة شفـاوي
لاكن ترى انظار العرب ترجع انواع=أنظارهم ماهـي تجـي بالتسـاوي
احد" نظره ضعيف ومـورده قـاع=واحد" نظره اورده عـد" رهـاوي
وأنا نظري جاب الي بالكيل والصاع=من الذي فالسوق سعـره غـلاوي
ذهب ولونه كنـه الشمـس لمـاع=اعدنـي يومـي ملكتـه غـنـاوي
صيته مع أهل العرف بالطيب ينذاع=ويبقا مخلد فـي ذهـن كـل راوي
والله ليبقـى دوم فايـق لـلإبـداع=أقولهـا وانـا بعـيـد الهـقـاوي
اللي مشيت بنهج اراض الله وسـاع=لاضقت منها أشلع سوات النـداوي
وأنزل بدار" بالوفاء ذكرهـا شـاع=هبوبهـا تجـلا همـوم الشقـاوي
أخير من خـوة ضعيـف وخـداع=اللي يضيع انحان وقـت النخـاوي
فالهرج شيخ وبالفعل قاصر البـاع=يطيح من عينك بوقـت العـزاوي
وانا تراني مع هل الطيـب مـولاع=أهـل الوفـا ومزبنيـن الجـلاوي
واحدهم بوقـت المواقيـف فـزاع=اليـا نخيتـه جـا بعمـره فـداوي
عن منهج الجزلات والطيب ماتـاع=واليا حظر دايـم يحـل الدعـاوي
واليا فعلت الطيب به دوم ماضـاع=يبقى رصيـدك لاحدتـك المنـاوي
لاكن فعل الطيب في شين الأطبـاع=يجيك بالجحدان سـارح وضـاوي