الموضوع: فرحة وطن
عرض مشاركة واحدة
غير مقروء 04-Mar-2011, 04:05 AM رقم المشاركة : 1
معلومات العضو
العتيبي أبا غيث
عضو ماسي

الصورة الرمزية العتيبي أبا غيث

إحصائية العضو






التوقيت


العتيبي أبا غيث غير متواجد حالياً

افتراضي فرحة وطن

اضغط على الصورة لرؤيتها بالحجم الطبيعي



المملكة من غربها لا يمنها = ومن شامها لا شرقها تردي ثوب
ثوب الفرح واحلي الحلل في زينها =تزينت كل الميادين ودروب
الغالي(ن) قلوب شعبة سكنها = مليكنا الغالي من الشعب محبوب
قلوب شعبة بالمحبة مكنها = ملك قلوب الشعب شايب ورعبوب
يا جعل ما صاب النفوس وبدنها =ما يعود له يارب والشر مغلوب
أبو متعب والحقايق بخنها = انه مقدر عند شعبة ومحسوب
في عودته لبلاده اللي زبنها =حل السعد وطاب مأكل ومشروب
لحظة وصولة بالفرح نحتضنها =يوم الربوع اللي لدى الشعب مرغوب
العاصمة غنت وغنت لحنها =وأمست من الفرحات في لليل وأطروب
عم الفرح كل القرى مع مدنها =وأفراحنا فيها من العين مسكوب
دمعة فرح والشوق يسبق ضعنها =دمع الفرح وقت الفرح صار مطلوب
يا مرحبا يا صقر العروبة وركنها =ترحيب صافي ما دخل فيه غثروب
يا مرحبا وأفعالكم ذي ثمنها =من حبكم حب الشعب حب مكتوب
أي والله نحبك ونبدي علنها = والكره فينا مار ملغي ومسحوب
بعض الدول يا قهرها يا غبنها =أتأكدوا من حبك الشعب ما يتوب
يالحاكم اللي قدتها مع رسنها =يوم الدول ما بين حارب ومحروب
قدت البلاد الطاهرة في أمنها =حميتها بعد الله من كل عذروب
أنت السعادة والوطن يا وطنها = وأنت المليك اللي بك العقل مسلوب
على شوا طيها يا مرسي سفنها =خيرك لها بالخير قادم ومصحوب
تصدر قراراتك وطيبك دهنها =ولا همكم في كل حاسد ومغصوب
في خدمة بلادك وشعبك ضمنها =أنك مليك المملكة سيد قلوب
قلوب شعبك با لغلا مرتهنها =وأرواحنا دونك بارود مشبوب
وأرواح تبغا الشر نجّهز كفنها =ونحطها تحت الثرى فوقها طوب
تموت روح اللي تسابق شحنها =على بلاد المملكة شعب وشعوب
وتعيش روح (ن) في خفاها رهنها =حب الملك ثم الوطن حب ويذوب
على صعيد المملكة يحتقنها = يروي بها أرض الكرم سهل وصعوب
وأختامها فرحة وطن نحتضنها= يوم الربوع اللي لدى الشعب مرغوب
صلوا على المختار عدة مزنها =مزون وبال(ن) لا يا هب بهبوب


ابو غيث الخميس 28 ربيع الأول 1432















رد مع اقتباس