اقتباس:
المشاركة الأصلية كتبت بواسطة الشيباني محمد
مادري كم اعماركم ونتم تتكلموا فالتاريخ العظيم الذي لايحق لنا الكلام فيه
ونعم بربيعه والازد وقبائل مضر كلنا اخوان بالدم والوطن والدين
التاريخ موجود كلنا يقراه وكلن فيه فخر وفيه خير ,ويكفي لو استدل الاخوة بالنصوص
تكفون ثم تكفون يامنتدانا العزيز مانبي مثل هالامور وش بنستفيد من الفتنه بين ابناء العرب
والله اقولها فقط عشان مانبي الفتنه ,تمنيت لو تدخل المراقبين لحسم مثل هالامور
نبي قبائل العرب شرق وغرب وجنوب وشمال يحبون بعض فقط
نبي نسمو على المناطقيه ويكون هدفنا اكبر من هالشيء
ودعوتي للخوان انتبهوا من صغار العقول والسفهاء
|
اقسم بالله يالشيباني باني سبق وحذرت من هالامور بس وشنسوي شي يقهر
كلن يجي يشكك فالثاني وكلن يجي ويقول حنا الافضل وحنا فينا ومنا
الفخر بالعلوم الطيبه مافيه شي بس تجي وتقول الافضل والاعز نسبا وتاريخا هالشي غير مقبول
وهنا اشوف هجوم على عتيبه يعني مصيبه كارثه اذا صرنا من هوازن طيب خلاص بنوافق على كلامكم
بنصير نص من عدنان ونص من قحطان يعني صارت عتيبه الهيلا هي قبيلة العرب وركيزة الاسلام
حيث انها جمعت قطبي العرب وحازت كل مكارمهم وافعالهم النبيله يعني حنا القبيله الوحيده اللي
يحق لها الفخر بكل شي والله لو نقول تم على هالكلام ليجون بكره بحجج جديده ويحطونا ماحنا بعرب
هههههههههههههههههههههههههه صدق من قال شر البلية مايضحك.
ياداره ياعزاء مثل الازدي الذي لايمت للازد بشي لاينفع ان يحترم ويعطة فرصه كتابه او يعطى احترام
او منح حق هؤلاء متربصه منافقه فاحذروا منهم وامثاله كثر في هالمنتدى وغيره.
ماعاد نبي طعن في اي قبيله عربيه او غير عربيه نبي رابط واحد الاسلام يعني اذا فيه عتيبي استشهد
الفخر يشمل كل الامه الاسلاميه وليس قبيلة عتيبه فقط يعني اذا خرج عالم عنزي فالفخر للامه
وكذلك البقيه .
هاللي يقول حنا اطيب العرب وانبلهم واشرفهم وازكاهم واعرقهم نسبا وغيره وغيره وغيره
لك سؤال هنا
اين انت ممن يغتال اهلها وتغتصب من قبل عدو الله؟
يمكن يقول هذي صعبه طيب بسهلها
اين انت من اولاد وبنات عم مات ابوهم هل ساعدتهم وتحليت بنبل الاخلاق والعراقه ام تفرغت للفخر؟
لازلت ادعوا واكرر ولن اتوقف او امل حتى يتم ضبط هالقسم.
ولن اسمح واتكلم عن نفسي من الامتناع عن اي رد بالقول او الفعل عن اي شخص يتطاول على نسب
اي شخص ينتمي لعتيبه الهيلا ليس تعصبا فقط لقبيلتي فلقد طالبت ايضا بعدم المساس باي قبيله.