[نواف الشيباني]

السلام عليكم

اعضاء زوار هذا المنتدى الشامخ هذي ابيات متواضه اتمنى ان تنال اعجابكم,,,

ياقلبي اللي فيه همٍ وخفخاف=يكفخ تقول مركب له جناحي
اله على ريع الندامه بمهداف=اتحده بوقته ليالٍ شحاحي
كله سبايب صاحبي زين الاوصاف=الصاحب المجمول ضبي البراحي
ابو خديدٍ كنه البرق رفاف=اتقول برقٍ فالمخاييل لاحي
ومجدولٍ يشابه ليا وصف الحاف=لحاف للي للجليد متناحي
ياشبه وظحاً فالمغاتير ميلاف=تجي ليا صاح راع الطياحي
في غيبتك لحقني عموم واخلاف=وارادف الونات جر الصياحي
وارقاء بمشرافٍ مهوب اي مشراف=واناحي فروخ الحمام النواحي
واهوجس بغيبتك واردد القاف=اردد القيفان والسد باحي
والقلب يمك قاد قودات الاسلاف=وذكرك يجيني فالمساء والصباحي
واليوم باقي كلمتٍ يمكن (أعاف)=اما (الوصل)ولا انت (تطلق صراحي)

آخر تعديل نواف الشيباني يوم 15-Feb-2011 في 07:33 PM.