[ناصر الرويثي]

السلااااام عليكم ,,,,,

قصيده تعبر عن نفسها ,,,,,

هل المطر من فوق جده هماليل = وحلت كوارث نسال الله ستره
من عقب مانفرح برفع التهاليل = صارت بلاوي كل ماهل قطره
صرنا على الموتى نجر الولاويل = وكل ينوح من الماسي ويشره
اصدر مليك الخير امره بتعجيل = تقديم كل العون لاهل المضره
تشاوروا بالعلم كل الرياجيل = وكل لحل المشكله طق صدره
قالوا نسـوي للمـشاريع تعديل = ونحول الوديان لجبال بحـره !!
من دون ما ندخل بكل التفاصيل = المشكله بعـقـولنا مستمـره
الكارثه كبرت ومن دون تهـويل = كل المدن بالمملكه وسط حفره
ان كان ما ادركنا الخطر بالمقابيل= تبي تزيد المشكـله كل مـره
ياليت مسؤل المشاريع له حيل = يفهم و ياخذ له من الضب عبره
الضب يبعد عن خطرجرة السيل= ما حط درب السيل بيته وجحره
ومسؤلنا يبني مخطط بتظليل = يدور الوادي و يبني بنحـره
عقله وعلمه لازمه بس تبديل= والا نرهم عقله بعقل جفـره
يمكن يفكر زين ويساير الجيل = والا يموت وياخذ الله عمره

وسلاااااااااااااااامتكم