السلام عليكم ورحمة الله وبركاته
اعضاء وزوار منتدى الهيلا الرسمي
اقدم لكم هذه القصيدة عسا ان تنال على اعجابكم
كلمات واداء: عناد الشيباني
تنفيذ وأخراج/محمد الشيباني
مل قلبِ يردف الونه بونه=ماتهنى فالزمان ولا استراحــي
كل ماظن وعساه ازين ظنه=تعترض قدمه همومٍ ماتزاحـــي
قام يقرع فالزمان اقراع شنه=والليالي تلعب ابه عظيم ضاحي
مير دام اظروف وقته غربلنه=لاتلحقني ملامه يامناحــــي
يوم اهرج واحدٍ بالوصف كنه=برق صيفٍ ياوسيع العرف لاحي
لازم ان ماش الزمن لو شان فنه=والمجامل ماتمنيته سلاحـــــي
والا انا ادري والله انه والله انه=مايجيني من ورى مثله صلاحـي
خابرٍ وش مقصده لو بان سنه=ماوراه الا النجاسه والنباحــي
ودامي احصاني مع اهل الطيب اعنه=وذاكر اذكار المساء ويا الصباحي
ولا مشيت الا على فرضٍ وسنه=وراجي المعبود عفوه والسماحي
كان حصلت المهبل والمجنه=اضحك امع الكل والتفكير صاحي