السلام عليكم ورحمة الله وبركاته
صباح الخير
بدايه بسيطه
تجر الصوت من داخلي معاليق الحشا وتقول=الا ليت الزمن يرجع على ماقيل من شاني
لسوي وأفعل الباقي وأسولف عن بقايا الحول=وش اللي ماحصل مني كذا ياكل خلاني
تسمعني هلا واضحك واغني والكلام يطول=مدام الزين قدام العيون اقول لو جاني
صباح الخير ياخير الكلام وحبنا المسأول=يكمل مابقى منا ويجرح دمع الأعياني
تفضل وأستحل اللي بغيته يازريف الطول=انا لولا مقابيل الجروح أقول تنساني
أخاف أحلف ولا يصدق كلامي والطلب مأمول=يكون بداخل الشاعر مثل جده وتبلاني
تبي تغرق من أفعالك ولا تنسى اصل وأصول=تبين وينكشف زيف الحبيب وموت وجداني
تجر الصوت ياهمي وكلآ واقفآ مذهول=وش القصه على هاك الطروق اللي تمناني
وسلامتكم