طاروق قوي ورائع
بين الشاعرين ممدوح العطياني وحامد القارحي
ممدوح العطياني
في حلالً تكمل الواجب وتحمى من زبنها = مرحبا ترحيبةً للضيف تقدير وتحيه
يالهذيلي قوة الابيات ماهو في لحنها = حث ساقك ياخوي مايجنب عن خويه
حامد الهذلي
في حلال طيبها معروف من ماضي زمنها = البقا ياللي ترحب مير هات الشاذليه
أنت ياممدوح تاخذ شامها ولايمنها = لاتوصي عسكري يعرف نظام العسكريه
ممدوح العطياني
أنت من روس العرب ياحامد وتامر وتنهى = والمشاريه أكبر من المملكه والفيصليه
كم واحد يحذف أصحابه وياكل من صحنها = وأن نشدته ليش قال الطبع ذا ماهو بــ فيه
حامد الهذلي
كان في خاطرك شرهه ودنا ننشدك عنها = ثم نعطيك الرصاص اللي يسد البندقيه
هب ياممدوح يكفنها ويسرقها كفنها = يالعطياني ترى الذمه من الذمه بريه
ممدوح العطياني
ألزم الجاهل قبل يصبح جنازة من دفنها = وغلطتك ياحامد اللي جات غلطه مطبعيه
ياهذيل اللي ماتسكن في وطن ماهو وطنها = كيف صرتوا من بلاد الشام والقسطنطنيه
حامد القارحي
المنيحه ديسها مصرور ماتطعم لبنها = صرها رجال يعرف للرباع وللثنيه
تعرف أن أم القرى ماتعرف الا من سكنها = وأنت لا ذالحين بين الذبذبه والجاذبيه
ممدوح العطياني
من نفض لحيتك في يوم العجاج ومن دهنها = يوم كنت تعيش مالك لا شداد ولا مطيه
ديرتك ياشاعر الهذلان ماتحمى ضعنها = جعلها عند العواصف والرياح الموسميه
حامد القارحي
أه لو انك تعرف فروضها تعرف سننها = من خلقنا الله وانا ماعشت مجهول الهويه
مانكب قوم المدن غير التمدن في مدنها = أسترح ماودنا ننكبك نكبه عالميه
ممدوح العطياني
الغشيم اللي تعداه السوالف مافطنها = ودك أنه يذلف ويقلع مثل قلعة طميه
,