سلطآن الجـــذع
ياسلامي سلام اللي ليا جابه الله = ساعةٍ من حضوره عن سنة من غيابه!!
هات يالعازمي سيف المعاني وسله = مالها الا انت لادقت طبول الحرابه!!
عيــد العــــــازمي
مرحبا بالسلام اللي بوقته وحله= مقدم الخير كله في بروق السحابه!!
في يمينك ليا حان الطلب ماش خله = مانعوق الرفيق اللي وجوده مهابه!!
سلطآن الجـــذع
نّو خيرٍ يبا يضفي على نجد كله = علم المستغيث اللي يقلب ثيابه!!
ميلة الغصن قبل تعيّف الناس ظلة = في طرفها سؤالٍ من طرفكم جوابه!!
عيــد العــــــازمي
يصدر الحكم عقب العلم دقه وجله = والحقيقه صدوف الوقت دايم تشابه!!
كل قلبٍ من الايام لو بان غله = ما يضمّه من العربان غير القرابه!!
سلطآن الجـــذع
منهج مسيلمة هز الجبل في محله = يحسب انه نبي واهل اليمامه صحابه!!
عوّدت وصفة الدكتور للكبد علة = لين طارت عن الروس الكبار العصابة!!
عيــد العــــــازمي
يتبعه واحدٍ يونس على الكبد مله = ماضري بالحظوظ اللي تعزز شبابه!!
تصحي الروس لو اتطّير عنها المظله = لين كثر الاماني تقتلعها الكآبه!!
سلطآن الجـــــذع
مايضيع الكلام اللي عليه الادلة = ( آثر من طاوله سقم الليالي غدابه)!!
مانقصنا جهاد الدولة المستقلة = لين غلق غلا بنت الهوى والصبابه!!
عيـد العـــــــازمـي
ياصحيح الهجوس اللي عبث مسفهله = لاتجاوز خطوط الطول عند الكتابه!!
مال جسر الرصافه والهواوي يدله = مار مامال قلب اللي يذّري جنابه!!