مشعل الحافي
سلام الله على معجب ومعجب يعجب الشعّار=برأيه يبعد النظره و شورة يحكم الهيّه
عقب غاب المطاري ويش رايك ندحم الاخطار=ونرضي عزوة امطير وعصيم تصفي النيّه
معجب العتيبي
هلا بالصاحب اللي مع صحيبه ياجماعه بار=يبر اصحابه وفي صحبته ماضن ابه زيه
ماضني في غياب اوفي حضور الغير ابد محتار=اقدم للوفي طيب ووفا والثاني الكيه
مشعل الحافي
يدوم إلك البقا ياللي ترحب والوفاء يندار=على وضح النقا والطيب إله رآية وماريّه
أضنك ياوسيع العرف غبت وغابوا الاحرار=عقب زٍعل المعزب من ضيوفه كٍبْر وحميّه
معجب العتيبي
يدوم العز للهيلا ويبقى العز في هالدار=ودستور الرجال اهل الوفا نخوه وحريه
انا ماغبت حاضر فالبلد وادري عن اللي صار=وكلٍ ياخذ اللي قدمت يمناه وشويه
مشعل الحافي
على عزّ ومعزّه نجتمع والدار دونه نار=عتيبة عزوتي تنصر كسير الحرب ووخيّه
مدام انّك هذا قولك نباك اتحكّم الاشوار=وتردع كل مخطي يصدر الاحكام جبريّه
معجب العتيبي
هذاه القول يامشعل وعلم باقي الزوار=هنا ماضن ابه ظالم يبا يبقا على غيه
يامشعل لايسمم فكرك اللي سمم الافكار=ترا له مشيتن ماتنجهل يمشي كما الحيه
مشعل الحافي
انا خابر قيادة لابتي في يدّ ما تحتار=تسنّع كل ظالم لاطغى..بالعدل مبنيّه
انا مرضى على عتيبه تهان ودمّ قلبي فار=ولكنّ الجهل والله يسمم كل محميّه
معجب العتيبي
سلمت وزان منطوقك وغيرك فيه دمه فار=واضن الضغط عنده واصلن ميه على ميه
وانا ما ارضى بعد مثلك ولي فزعه ودمي حار=لكن مافوره هرج السفاهه والنحاويه
مشعل الحافي
ياسرع دورات الليالي كل ما قلنا عمَار=الصاحب اللي يرضي الاصحاب قدّم مخطيّه
لكنّ يامعجب نقول الحق ونحشم الكبار=حدوه لين اقصاه وانهدت جميع الابنيه