السلام عليكم ورحمة الله وبركاته
ابيات جديده اتمنى ان تنال على رضاكم واستحسانكم
راح زين العابدين ولاتجمل فيه شعبه=والله اعلم وش يصير بكل دولة يعربيه
اكثر الحكام فالبلدان مأحدن يفتخربه=لن كفه للعطاء ماهي بكفن حاتمية
الشعوب تعيش في حالة عدائية وصعبة=والسبب نقص الموارد والضروف الداخلية
عادة المستقبل المجهول له هاجس ورهبة =والأوادم همها الاصلاح لو راحت ضحية
ماحدن يرضى يعيش العمر بين الناس لعبة =لكن الله يصلح الرعيان ويعين الرعية
ياحكومتنا الرشيده دارنا شرقه وغربه=ينعم بخير وأمن ويعيش نقله عالميه
للعدالة فيه سيف وللديانة فيه كعبه=والفضل بعد ألكم يالأسود الوايليه
نصف سكان البلد محسود في قوته وشربه=بس عاد النصف الآخر بين هاذيه وذيه
والعشم فيكم وشعبن يعتبركم درع جنبه=لاتخلونه تحت عطف الرياح الموسميه
والله إنا في بلاد الخير ماحنا فغربه=دوكم اطراف الجدال وناقشوا حل القضية
المواطن لأرتفع سعر البضايع ويش ذنبه؟=وويش ذنب ألي توسد له شهادة جامعية
شعر... ابراهيم الزراقي