[حلو النبا]

أبيات أعجبتني لهذا الشاعر وأود إسعادكم بها

الدمعـة اللـي ثـلاث أيـام منتثـره=من موق عيني يبل القـاع ماطرهـا
والضحكه اللي مـع الأيـام منكسـره=قصه حزينـه ولابـه مـن يعبرهـا
والضيقه اللي بجوف الصدر منحشره=خلت عيوني عذاب البيـن سامرهـا
بأسباب منهو يكن الحـزن والعبـره=لا غبت عنه الثواني جـاك ينكرهـا
ولا غاب عني ثواني كنـي ابحفـره=برضٍ خـلا مارقـا فالجـو طايرهـا
ياما قسمنـا الحيـاه وفـذة التمـره=عشرة صداقه ونرقـا فـي منابـره
إحساسنا واحد وتثبت لـك العشـره=ولا فيه عشره عقب عشرته أعاشرها
غالي ولا ينقص ابجوف الصدر قدره=ياكثر نـاسٍ علـى قـدره ماقدرهـا
إن جيت طيبه على القمه بنى وكـره=وإن جيت للجود ما حسب خسايرهـا
ماوفيه حقه ولو جـف القلـم حبـره=ولا يمكن إني مع الأيـام ابحصرهـا
واليوم وينه عليه اللـوم والحسـره=مابـان ذكـره ولا فالحـي ذاكرهـا
غايب ولاادري وش اللي يقنع ابعذره=ولا كنه يدري بحالي ويش دهورهـا
ولا عادلـي حيلـةٍ فيهـا ولا دبـره=أيامي اللـي علـى كيفـي مدبرهـا
مير الله يرحم كسير الحال في كسـره=إلشوفة اللي ماعمر الـروح كدرهـا
ويارب لامن قبضت الـروح بسكـره=روحي ورحه على اللحظه تخاشرهـا
مقدر أشيع خـوي الـروح لاقبـره=يمصعب عليه ونفسي كيف تقدرهـا