خلف المطيري
مرحبا فالشاعر اللي طيحته مضمونه = عند ربعن يكرهون السحت والبطالي
البعير اللي يغير كل مدّه لونه = جرته من غير يدري صادها الجمالي
مشعل الحافي
البقا بالشاعر اللّي في يده صابونه=ماتنظّف يَدَه لوّنه يسوق المالي
ولّ ياصاهود ياللّي نيته ملعونه=والبعير اشعيل دونه يذْبَح الرجالي
خلف المطيري
المصلي يم ربه يعرفون اشلونه =ماتضره كلمة النصاب والمحتالي
البعير اللي تقوله ماتشوف اعيونه = انعما من صاحبه والراعي البنغالي
مشعل الحافي
المصلي حافظن دينه يعرف اركونه=ماتهزه هرجة النمّاك والدجالي
لو صاهود يفكْ زرّه نعرفه بجنونه=مايهيد الا يدوب انربطّه بحبالي
خلف المطيري
ياجماعة خير مشعل مايحمي احصونه= اضربه فأم الرصاص وينبطح طوالي
مذّي الشعار واهل الملعبه بالحونه = وان عرضته ماشروه اهل البلد فأريالي
مشعل الحافي
هبّ ياصاهود لوّ انّه يسد اديونه=كان علقنا على صدره وسام ابطالي
وابك انا شاعر معاني عدّ لو تردونه=يكفي الشعّأر جيل ٍ تعقبه اجيالي
خلف المطيري
ماغادالي شي لله والعدا مطحونه = لو معك قوه وهيبه ماقطعت ارسالي
والله انك في نظرنا كنّك الليمونه = كل ما نظغط عليها حرّج الدلالي
مشعل الحافي
لو تفقدّ ماحصلّه ينمسح طبلونه=مار ضايع مايذوق العلم دوم يلالي
شرهتي للّي عطاك وسام يابالونه=مار ينفخ كرشته ويحطله تمثالي
خلف المطيري
سلّعتك محلّها في داخل الكرتونه = لاتحسب الناس مثلك طبعها حلاّلي
شرهتك في وسط قلبك خلها مدفونه= العرب مايفتحونك يالحساب الخالي
مشعل الحافي
انت سلعه عند ديّانك ترا مرهونه=مايبدل رهنها لو تدفع الاموالي
الشجاعه صبر ساعه والعرب يقلونه=لاتنافق لجل تاصل للرفيع العالي
خلف المطيري
الكلام ارخيص حتي اهل الكحل يقوونه = وان بغيت الصدق حالك مايشابه حالي
الشجاعه والفخر فالعارضي مقرونه =لو يموت ايّدققك المهري واخوه الفالي
مشعل الحافي
التسذب مقرون بام الكحل والملسونه=وانت ملسون ن تشابه حالها يورالي
الشجاعه في ابن حافي يوم جرّ الحونه=مار ياخليف المسمى البس الخلخالي