[العــــــــابر]

المشاركة الأصلية كتبت بواسطة ابو بدر الروقي

بواخر البيدا على حلها جـــات:::كلن يكــبر بيـن نفســه وبيــنه
الفاخرات النادرات العظيمات ::: منقية(ن)يبني ثمنها مدينه
تاريخها يشهدلها بالبطولات ::: واللي مكذبني معه شوف عينه
شوف الجرايد والصحف والقنوات :::انجازها مشهود ومسجلينه
مزاي الظفره بدولة الامارات:::شوط الشيوخ وكلنا خابرينه
شفقو على البيرق شيوخ وحكومات:::وبن جريذي جوده في يمينه
واليوم عند مروضين الصعيبات :::اهل المداحم بالجنوب المتينه
اخوان ساره في كبار المهمات:::غريمهم يلقى القهر والغبينه
تحت امر ابو عيسى مغن الجمالات:::الشيخ نايف طول الله سنينه
تلاطمي ولا اركدي يا المحيطات :::الشيخ ابو عيسى يقود السفينه
واخوه ابو فواز زبن الونيات :::واعزتي لعداه ومعاندينه
عواض لا جا للمناعير وقفات ::: ربعه لميلات الدهر محتسينه
عواض وقفاته تفك اختناقات:::يجلابها حزن النفوس الحزينه
عواض راعي هاك والناس اهل هات:::ما صر في جيبه مكاسب يمينه
ونواف بن نايف هذا لاسم بالذات :::اسم(ن)ثمين من الاسام الثمينه
قرم(ن)عزومه تقهر المستحيلات:::ويجري الهياب يا حي عينه
والله يديم النا السعد والمسرات:::في ضل خدام الحرم والمدينه
يبقى ولانا للوطن والقيادات :::اشرف وطن بارواحنا مفتدينه
مهبط خواتيم الحجج والرسالات::: والله صخر حكامه لنصر دينه
واليوم لو كثرت كبار الشعارات :::شعارنا حتى العجم عارفينه
(حنا هل العوجا ولابه مراوات):::والمعضله فنجالها شاربينه
وختامها مني صلاه وتحيات::: على رسول(ن) بالهدى تابعي


كلمات صالح الفريخ / أداء ناصر السيحاني

ماللجزل الا جزل

يستاهل كل خير

والله يوفقه باذن الله

لاهنت يالنشمي

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله