اخواني .
اداري واعضاء ومتابعي منتدى الهيلا العظيمة .
اسعد الله اوقاتكم جميعا . ...... وبعد
هذه ابيات متواضعة من جديدي لعل ان تحوز على رضاكم .
ودمتم بخير
موتري ياموتري ذب الخريمه = سائقك عيت عيونه لاتباتي
من هواجيس(ن) على صدري مقيمة = طبها بعد الردي شين الصفاتي
ماعلى الطيب ولا الثاني وسيمة = ليت للطيب وسوم(ن) بيناتي
والله ان المدح للناقص ظليمة = البخيل بخيل لو صلى الصلاتي
البخيل بخيل صيده في بريمه = مثل صبخا مابها دائم نباتي
والردي مافيه للعلياء عزيمة = ميت(ن) حظه وقافيه المماتي
بنت ياللي بالهوى توك غشيمة = والعيون بدون كحل مكحلاتي
ملبسك حشمة وعاداتك حشيمة = والجدائل بالعطور مجدلاتي
الهوى للي يمانيهم كريمة = كاسبين الطيب واهل الواجباتي
الرجال اللي لهم حشمة وقيمة = مرخصين المال يامال الغناتي
وكاسب المعروف جعل الله يديمه = واختلاف الناس عند النائباتي
ويرحم الله من غدى وقته خصيمة = لو بغى العلياء دروبه مغلقاتي