[فيصل بن فهد الجهني]

وش جاب فن المحاوره لفن العرضه

يمكن ابن ثايب قوي في العرضه .. ولا اقدر اجزم على ذا الشي .. لأني ماني بعرف ذا الفن مره


و لكن في فن المحاوره .. اسمح لي اخوي .. والله انها يخبطها خبط عشوا .. ما يتمسك بالمعاني ولا ينقض ولا يفتل .. و اعتبره متواضع جدا في فن المحاوره

و لكن انت ضربت امثال في ابيات قابل فيها شعراء مثل العلم رشيد الزلامي و العلم محمد السناني

وانا اجتهدت هنا و جبت لك محاورته كامله مع السناني .. و راح تكون هي الحد الفاصل لكي تحكم على شاعرك في المحاوره

الليلة الدنيا تشابه في قمرها و النجوم ** والفرق والميعاد مابين الثريا و الثراء
وأصحابنا الشعار ضيقتهم إلى رؤوس الخشوم ** ولي مشى قدام لاهون ولاعود وراء


(محمد بن ثايب)


أثني الترحيب والعرب تبي العلوم ** والحفل و الميدان تحكم بينكم ياشعراء
اسمك ابن متروك ذباب المبدا والرجوم ** إن كنت ابن متروك هذا الليل فخلك في الذراء


(محمد السناني)


الكلمة اللي تشغل الخاطر و لا تقضي لزوم ** لاعاد تنقل في الجناب الأيمن و الأيسراء
الله يعز الدين خذ قسمك مابين القسوم ** يوم القيامة صعب مايمديك بيع و مشتراء



(محمد بن ثايب)


زرنا الأسبوع الجاي وتشوف العوائد والسلوم ** لاتقطع الجيه على شأن السبيب الأبتراء
لما كليت بصل وأنا بوزيد فشبع لك ثوم ** تشرع الجهني لما علم له بحق زراء



(محمد السناني)
بزوركم يومين قبل القيامة لا تقوم ** حتى نشوف الطاري إلا في ضميركم طراء
إلا لقيته من زرعتكم وأنا رجل معصوم ** أنا أحسن التفريق بين الأبيض و الأسمراء



(محمد بن ثايب)
حجاجة العصفور من نوم الضحى فوق الحزوم ** أقولها و يقولها الله و الجبين الأزهراء
لكون فيك الطول شبرين تبرقعت الختوم ** لكن قصرك الله وراعي الطايله ما يقصراء




لا تعليق صراحتاا