حياك الله اخوي حمد
وشكرا لك على ماقمت به .... بعد إذنك بعض التعديلات في بعض الأبيات من توقعي الشخصي
لوجود خلل في الوزن وسلامتك.
عبدالله الاشرم
في منتدى عبس قوم قاومـت كـل قـوم=عــبــس الــــذي يـحـكــي الـتـاريــخ بـافـعـالـهـا
قـم يالزلامـي زعيـم الشعـر عطنـا العـلـوم=علومـك اللـي نــفــســرهــا ونـصــحــى لها
رشيدالزلامي
ساعةمعك للدفاع وساعة للهجـوم=تـــواجـه الناس والدنيا هذا حالها
لـعـل من طـاح فـي ميـدانـهـا مـا يقوم=هـذي علومي وحللها يا حـلالها
عبدالله الاشرم
مابيـن حـب الدقـون وبيـن حـب الخشـوم=كـم دلـة ٍ طـــاح دون الـشيـخ فنـجـالـهـا
ياصاحبي ما يطيح الا ردي العزوم=لاجــا نـهـار المـواقـف تـعــرف رجـالـهـا
رشيد الزلامي
الجو ما هو بصافي والسماء فيه حوم=طيور مـا اعرف طـبـايـعـهـا ولا اشـكـالـهــا
تابـعـتـهـا لـيـن وصلت لـلـقمر والـنجـوم=الـشــيخ قدامـها والخـبـل يـــبـرالــهــــا
عبدالله الاشرم
مــــا زعـزعـتـنـا طــيـــور مــا تــسد الــلـزوم=لـو حلقـت بالفضـاء تجـفـل مــن ظلالـهـا
هــذا زمــان الطـيـور الـبـرق حـمـر الـزقـوم=تــسرح وتـمرح وفــــال الله ولا فــالـــهـــا
رشيد الزلامي
الاولــــه مــــا وراهــــا الا الـشـقــا والـهــمــوم=و الـثــانيـه عــمـهـا يــشـــهـد عـلـى خالها
كــثــرت ذنــوبــك لــكــن الله غــفــوراً رحـــــوم=دامك جـمـعـت الـذنــوب وجـيــت مشتـالـهـا
عبدالله الاشرم
الاوله وزعوها موزعين القسوم=والثانيه ورطت الشركه بعمالها
المذنب اللي خذا حق النشاما القروم=اللي خزاعه عـيه توصي عيالها