طاروق وزن ثقيل
والتحليل عند ابو فايح
زبن القاضي:
ياصفوف الملعبه مستور في راسه نعاره
لاتموت الملعبه تكفون لين اخذ علومه
خابره حر وصفات الحر يفهم بالاشاره
والبشر كل ٍ على قده نفصل له هدومه
مستور العصيمي:
ياصفوف الملعبه كل ٍ على قيس اقتداره
زبن لن عد الصحيح الله يلوم اللي يلومه
انت اضنك متهم يازبن مثل ابو عماره
جيت في سوق الذهب لاتشتريه ولاتسومه
زبن القاضي:
ارتفع بشت الغناه وزاحم بشوت الاماره
الله إنه ينصر الاسلام ويعز الحكومه
وانت اضنك متهم في هدم برجين التجاره
المهم انك صقر والصقر ماتبرد عزومه
مستور العصيمي:
من يدور للمكاسب مايدور للخساره
ومن تحلم يازبن ماني بداري وش حلومه
يالعتيبي كل واحد من زنوده شب ناره
ادري اني صقر وانته صقر ماخاويت بومه
زبن القاضي:
اسحب القنصل يابو تركي وتفداك السفاره
انت مستور العصمي فالمواقف شيخ قومه
مايجي بعد الحلا ياكود لذعات المراره
من غزوه القوم يامستور مايهناه نومه
مستور العصيمي:
العصيمي فالصداره وانت مثله فالصداره
لاتسقطك الهقاوي في بحر عشرين قومه
هوشتن بين الذياب وكل ذيب ً في مغاره
والثقه في صاحبي ياجعل ماهيب معدومه