للتواصل
ان كان لامنه الشاعر مدح ربعه=عذروب عدّوه واحد من عذاريبي
طبعي كذا والبشر كل ٍ على طبعه=ولي الفخر وافتخر يوم اني عتيبي
احب ربعي يابو كبوه وابو كبعه=وانا وربعي ولانا للمعازيبي
والضلع الاسود ليامنه قنب سبعه=قلنا تريح وكف عواك ياذيبي
خلك على المنهج المحمود واتّبعه=لا تلحق المسلمين الشك والريبي
المنهل العذب وش يحرمك من نبعه=مانت محدودٍ على بعض المشاريبي
من يوم عم الامان وعمت الشبعه=جا لابرق الريش منقار ومخاليبي
والذيب والثعلب المكار والضبعه=ماتتفق فالطبايع والاساليبي
والصحبه الطيبه والصحبه الدبعه=الاوله مرحبا والثانيه غيبي
غالب أبو كتيفه.