[تركي الصفياني]

بسم الله الرحمن الرحيم
السلام عليكم ورحمة الله وبركاته
مسااااكم الله بكل خير
اليوم اتيت لكم بطاروق محاورة بين علمين من أعلام الشعر
الا وهم
الشاعر الكبير \ حبيب العازمي
الشاعر الكبير \ ملفي المورقي
والبدايه مع الكنق
ولا تحرمونني من الرد الذي يشجعني لإتيان ماتبقى
إليكم

حبيب العازمي

المورقي ولع النار وملاحقين المشاهيب
_________ كلن يباها حريقه والمورقي من حطبها
العام والي ورى العام يبدي بروس المراقيب
_________ واليوم يلاه يلاه عينه يرفرف هدبها

ملفي المورقي

لاون كلن تغير ماغيرتنا الهناديب
_________ وان كان صاير قضيه الظاهر انك سببها
الذيب من طول صوته صوته جذب له مية ذيب
_________ اللي من اقصى اليمامه والي محول من ابها

حبيب العازمي

من كبر حظي مع الناس يقدح على راسي الشيب
_________ واصرها تال الايام مع صاحبي واحتلبها
ان كان مع طول الايام ماعلمتك التجرايب
_________ فيها الشنب ياحمر العين انك تبا تستحبها

ملفي المورقي

الشيب للرجل نوماس ماهو بعيب وعذاريب
_________ واللي يسوي الجمايل سواتنا يحتلبها
حنا علينا مواجيب فالوقت والنا مواجيب
_________ واللي يسوي المشاكل من يظهره من نشبها

حبيب العازمي

اصحو من النوم ياقوم ثار الرصاص المكاذيب
_________ ماهو بمذهب وقانون توخذ عرب من عربها
..........عد الرياجيل لو انها بالمشاعيب
_________ والعقرب اللي كلتنا جا راسها مع ذنبها

ملفي المورقي

ترى البشر ياحبيب ماتعلم السر والغيب
_________ لو تعلم السر والغيب مانقصت في طلبها
اضحية الحرب والسرب سالم وجساس وكليب
_________ لو كان في سابق الوقت تغلب ولاحدن غلبها

حبيب العازمي

انت عن المدن والناس تشغلك حرش العراقيب
_________ لكن قبل المزاين يازينها تجتلبها
المجلس الراي والشور غابو كبار المناصيب
_________ والعاجز ام الثمانين كلن يقوم ايخطبها

ملفي المورقي

ياصاحب اعيش مرتاح واتبع هوى شمخ النيب
_________ المدن فوضه وضوه تملى النفوس بغضبها
اليوم كلن يصور ويدور اللي ورى الجيب
_________ لو هو ورى مثل ماقيل قشراً تلوى عصبها

حبيب العازمي

هاذي على ذمة الناس تبرك كسب فالمحاليب
_________ ورحولها ماله اشداد ويحول اللي ركبها

آخر تعديل تركي الصفياني يوم 16-Dec-2010 في 04:42 PM.