قصيده مهداه من الشاعر/عتيق بن غنيمان بن فضلون::: لمحافظ محافظة الغزالة الشيخ/تركي بن شفاقه الهذلي الدلبحي
سر ياقلم وأكتب من اللي طرالي::::أبيات من فيض المشاعر منقاه
أكتب لتركي من جزيل المثالي::::ولياكتبت الخط مده ليمناه
مده لقرم" مدهل" لرجالي::::أبومشاري سعد منهو تنصاه
تركي عريب الجد هو الخوالي::::الطيب اللي بنسبه طيب مجناه
ربعه عتيبه محتمين التوالي::::عتيبه الهيلا هل الطيب والجاه
قبيلة" تعرف من أول وتالي::::قومن على كسب المراجل مضراه
وأناعنيت وجيت من ماجرالي::::أبشتكي للقرم وضعي وابنخاه
راع الوفا والنبراس واف الخصالي::::لولاه والله ماتعنيت لولاه
تكفى ياتركي ياكريم السبالي::::تكفى تسادني ووضعي تبناه
تكفى تقول أبشر ويرتاح بالي::::واللي تسويبي من الخير تلقاه
توخرت دعواي وألأمر طالي:::: والظلم شروى أبو مشاري مايرضاه
شفلي برايك حيلة"واحتيالي::::وشرواك لافكر بموضوع أنهاه
خذها بعرفك ياطويل الخطالي::::وأطلب جزاها يالعتيبي من الله
أسندتها لك وأنت رجل" مثالي::::وأنت اتعرف وضعي وقصدي ومعناه
وتم الكلام اللي يدور بخيالي::::ويدوم راسك يالعتيبي بعلياه