[الامير حريبيش]

هلا اخوي نايف عتيبه جميعها من بني سعد وبني سعد ينقسمون الي قسمين هم ثبيت والبطنين والبطنين هم الطفحه والنفعه سمو بالبطنين لانهم اخوه من امهات مختلفتين يعني جدهم نفيع واحد ولكن لعظم وطول تاريخ بني سعد المقدر بالف وخمس مية سنه حصلت استقلالات بعض الفروع من الاصول
ولكن الطفحه بالمختصر هم نفعه في الاساس عزوتهم الام النفعه مع استقلالهم بعزوتهم الخاصه في الاحداث الداخليه
يقول جدي الشيخ هملول
نفيع وان جاء ضربنا من قباله----- وطفيح لاجاء خرزها من جنوبها
ويقول شاعر الجعده قديما قبل 300عام
الطفيحي كنه النار والوريه---- من يصاليها اذا شبت شبايب
والنفيعي عزوتي يوم الحميه ---- يعلقون الكون ورجالن عطايب
من ثقيف ليا حدود الحارثيه-------- كم ذبحنا من شباب وعود شايب
لاحظ انه وصف النفعه بانهم عزوته وعزوة الرجل هم اهله وابناء عمه

ويقول شاعر الجعده قديما كذلك يرد علي شعوان النفيعي في احد الاحداث
ياواصلن شعوان قله --- يقبل ولا يرجع وراه
حنا من اول فزعة له---- واليوم نجمع في دواءه
لاحظ انه قال حنا من اول فزعة له يعني تجب علينا الفزعه لكم لانكم ابناء عمومتنا والواجب يحتم علينا الفزعه لكم
وكذلك ماورد في حجة الديره من ذكر شيوخ الطفحه ووصفهم بانهم من كبار النفعه وغيره كثير من الوثايق اللي بعض تواريخها في ال900 هجري وتذكر شيوخ الطفحه تختم اسمائهم بالنفيعي السعدي
اتمني اني قد افدتك يابن العم ولاهنت علي مرورك
وتقبل تحياتي ,

آخر تعديل الامير حريبيش يوم 12-Dec-2010 في 12:50 AM.