[العــــــــابر]

كيف الطهيمي حضري

الطهيمي من اقوى ملاك الابل فالجزيره العربيه

كيف تجي تقول فنجال وعمير ال روق وهيف هم فقط الثلاثي المرعب

كيف تجحد الباقين وهل تقصد الوضح او الوان ثانيه لان كل لون فيه منافسه قويه من ملاك الابل سواء شعل او صفر او مجاهيم او حمر

وبعدين اذا فالوضح عندك صنهات ابن مجيهير وعند غازي بن عتيق مرعبين بعد واهل ابل نادره

اما التبرير لانسحاب هيف بهذه الطريقه فهي مصيبه فالشق اكبر من الرقعه.

البشر لها نظر وتشوف واباعر الطهيمي والله محد حولها نقولها كلمة حق

وتلمح وتقول ان فنجال لمح له انه مايشارك والله حلوه الاشاعات فنجال يشارك كل سنه ولاعمر جنب

ولاعمره وخر هو وكل عتيبه الهيلا والرجل من حقه يهتم في اباعره وانتاجه


بس اشوف الاشاعات والتبرير للهيف المنسحب اصحبت تطلع من هنا وهناك

واللي يقول داهيه واللي يقول ياولد مخ واللي يقول ياولد فلته

والله ان الانسحاب اشر من المركز الاخير وان الرجل اللي يهرب عقب مايجي للمزاين ويدخل نياقه

فالعرض واللجنه تشوف وعقب تجيه في محله ثم عقب ماتسربت الاخبار له انه مهوب حول شي

يقوم يفرك لها وين الدهاء هنا .

لو هو منسحب من البدايه ايه لو قلنا ماجاء ايه بس يجي ويعرض في الوضح ثم ينسحب هذا دهاء؟؟؟؟


عموما الله يوفق اللي فازوا ويستاهلون الريجيل اللي تجي وترتكي للحمول .

الطهيمي او المهيلب او اباالروس او ثلاب او صنهات كلهم كفوووو ولانقول فيهم الا كل خير

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

آخر تعديل العــــــــابر يوم 10-Dec-2010 في 05:40 AM.