[عناد الشيباني]

السلام عليكم ورحمة الله وبركاته

رواد منتدى الهيلا
اقدم لكم هذه القصيدة

عسا ان تنال على رضاكم وستحسانكم

الله من هاجس" فالقلب له مده=يطري لي ولا طرالي زادت اجراحي
بسباب منهو عليه كثر الصده=غرو" خذا القلب ثم قفا به وراحي
ابوجعود(ن) على المتنين منكده=والخد يشبه لنور البرق لا لاحي
لامنه اقبل لقيت الموت في خده=تقول بعيونه ايسددلي ارماحي
واليوم يومن كف الوصل مامده=تساوت اليومه احزاني مع افراحي
اجلس مع الناس وأنا خاطري قده=واضحك واجامل وانا مانيب مرتاحي
وإنكان حكم القدر والوقت مارده=خلاص لاتنشد اعن اخوك يامناحي
عزالله اني قبل مااعرف أنا وده=عايش بنعمه بمسرايه ومسراحي
وإن شفت راع الهوى اللي بيح ابسده=قعدت انا اضحك عليه اوقلت مزاحي
واليوم أقول الهوى يانعنبو جده=خلاني اجاذب الونات بصياحي
خلا ابن مشيب عناد يبيح بسده=وعناد من قبل بالأسرار ماباحي

الشاعر /عناد الشيباني

آخر تعديل عناد الشيباني يوم 09-Dec-2010 في 09:40 PM.