مرحباا ومسهلا يامشيلح
نورت المنتدى
نتمنى لك حسن الاستمتاع
وان شاء الله تستفيد وتفيد
سر يالقلم ننقض كـلام المحاميـن=لصـارت الدعـوه حمايـا حمانـا
نقض الحجج لابد له مـن براهيـن=ومعنـا شهـادة الوفـا لدعـانـا
ومن مدنا بالصاع نجـزاه صاعيـن=واللـي ياعادينـا عليـه اعتدانـا
كان الحميدي(1) وازملاه متصافين=على الحكي فيما مـا تقـدم حكانـا
تلحقـوا غـارات نـاسٍ قديمـيـن=واخطوا وحنا من خطاهـم خطانـا
ودام الشريعه تاخذ العيـن بالعيـن=حنا ما تقضـي الشريعـه قضانـا
حنـا بميـزان المعانـي ثقيلـيـن=وعلـى مماشينـا بعيـدٍ مـدانـا
هيهات لو حولت عكس الموازيـن=قضا القضا فيمـا مضـى وانتهانـا
ياحرب لو حطيتـم البيـت نصفيـن=ماهـوب موصلكـم ليـا مستوانـا
انتـم رجـال بالمعـارك غثيثيـن=لكن مـا تلحـق اخطاكـم اخطانـا
حنـا عتيبـه ملحقيـن المخلـيـن=بعنـا بسـوق الطايـلات وشرانـا
قومٍ على صولات الايـام ضاريـن=لو عضنا نـاب الدهـر مـا قوانـا
يهابنا الطمـاع لـو قلبـه اذهيـن=نبطـش محـلات الطمـع لاغزانـا
لنـا سلـوم غاليـات المثامـيـن=سلومنـا محـدن حملهـا سوانـا
في سلم لوماء الوجه عام وشهرين=وابخيلنـا مامـون داخـل حمانـا
ثلاثمايـة يـوم تــزداد ستـيـن=تنحا المنايـا عنـه هيبـة لحانـا
ومن حده الموت الحمـر والدياييـن=تخير الحصـن الحصيـن ونصانـا
وبالحين نملى فارغـات الموازيـن=جيب الصحون ومكرمـات الصيانـا
للضيـف والجيـران والمستحقيـن=إليا مـن وهـاب العطايـا عطانـا
ابيوتنـا للضيـف مثـل البساتيـن=يفرح به الملهـوف ليلـة ضوانـا
نجود بالماجـود بالعسـر والليـن=وضحك الحجاج وما حلا من نبانـا
حنا على حفظ المواجيـب حرّصيـن=مانعطـي الطرقـي قراطيـع مانـا
والجار لـه واجـب وحنـا وفييـن=ندعيه للكرمـه ولـو مـا دعانـا
جيرانـا دايـم حشـام وعزيزييـن=وندرا شرفهم عن كـلام اسفهانـا
حنا بوجـه الجـار دايـم جديديـن=يزيـد مـع زايـده اثنينـه وفانـا
وان جاء نهار المعمعه واللغا الشين=نبيع غـلا الـروح دون اقصرانـا
وان راح نشـدق قفـاه بسكاكيـن=نحمي مجاله عقـب عنـه انتحانـا
وخوينا لو هو من اللـي معاديـن=يأمن بنـا فـي كـل درب مشانـا
ليا عودة عشر اكثر النـاس ثنتيـن=وصاروا بغـرات الخـوي عقربانـا
ولصرنا مع الخوي بدرب متخاويـن=نرعى الحقـوق ولانخـون خويانـا
وحنا منازلنـا ورا حضـن ويميـن=هاذيـك ديرتنـا فيـهـا نشـانـا
وجينا نبا المرباع عنـد القحاطيـن=يوم الزمـان بحـد سيفـه حدانـا
وقالوا لنا ما تاسع الـدار شيخيـن=ونجد العذيه تحـت فيـت عصانـا
وتشاوروا طلقين الآريا الحكيميـن=احدٍ ومـر بالحـرب واحـدٍ نهانـا
واحتار من يختـار بيـن الأمرّيـن=امـا الدهـر ولا سيـوف اقبلانـا
وتقـرر المحـدار بالخـط والقيـن=نمـراً فأولهـا يـرفـرف لـوانـا
وندري ما قدامنـا مزرعـة تيـن=لكن علـى روس الافاعـي وطانـا
زحنا قبايل نجد عن نجـد قسميـن=وجينـا بمثنـات البـلاد وبنـانـا
ابيوتنـا كالقـور بيـن الحديثيـن=وعلى السنام من البـلاد استوانـا
وأعداينا مـا هـم عنـا براضيـن=لكـن هابونـا جمـيـع احـددانـا
لشبت الهيجـا بصـوت المثاريـن=صديق عينك مايجـي فـي نحانـا
وليا ركبنا فـوق مثـل الشياهيـن=تكـره صناديـد القبـايـل لقـانـا
عاداتنا نخلـي سـروج المسنيـن=وأول مـوردت السهـوم اومرانـا
ليا اقبلوا من الخيل قـدم المغيريـن=وليا اقبلوا صـاروا حمـاه لقفانـا
حمّـايـة السـاقـات فالمقلـيـن=باموالهـم يرفـون فقـر فقـرانـا
وليا جاء الامر بين القبيلة حلييـن=حلـوا مشاكلنـا وحـازوا رضانـا
وان جاء الامر دولي زحول وميامين=عند الـدول فالمعضـلات اسفرانـا
ومن كان ذا شانه يشيـل الثقيليـن=لو مات حـي فـي قلـوب حربانـا
لو مات قالوا حرب ذا فيه روحيـن=يمكن قحص من وسط قبره وجانـا
وبعض أُمراكم فالملاهـي مغنيـن=علـى الوتـر والعـود دانـا لدانـا
مـر مغنيـن ومــر مساجـيـن=وظهورهـم مـيـدان للخيـزرانـا
متخلفـيـن ينقـلـون العنـاويـن=وركن التعارف سجلـوا لـه ديانـا
ولو سمعوا لعـذال يقـول غاديـن=قالـوا نمـوت ولانبيـع اخدنـانـا
الفرق واضح لاتقولـون متساويـن=ومصادر التاريـخ منهـا ارتوانـا
اذا ازعلكم التاريخ نكـون راضيـن=يصبح زعلكم شعبـةٍ مـن رضانـا
ومناخ عرجا كان عنـه متغاضيـن=حنـا لتاريـخ القبـايـل قـرانـا
قبيلتـيـن لحربـنـا مستعـديـن=وحنا ليـا زلـزل رعدهـم رسانـا
وطبان وصنيتان(2) شفقوا شرهين=وحنـا قبـل يبـدون فينـا بـدانـا
وبعد مناخٍ دام خمسـة وعشريـن=احدٍ سرى بالليـل واحـدٍ احترانـا
واللي قعد سوى سوات ام ظرفيـن=ويقـول لـو إنـا درانـا سـرانـا
يقـول خلونـا بعرجـا وحيـديـن=ياليـت هاديهـم كـذلـك هـدانـا
دون المعقـل كافحـوا مستميتيـن=لكـن فـي هـم بالمهنـد سطانـا
وخفوا وهفوا وادبـروا مستخيفيـن=وحنا لمـا تملـك ايديهـم حوانـا
اللي حضر من حرب باتـوا ذليليـن=واللي ربض عن لابته وش علانـا
اللي هرب واللي لجى مستجيريـن=واللي جضعناهم وراحـوا عشانـا
واميرهـم ينخـى بتالـي المقفيـن=ويـقـول رده لاتخـلـوا نسـانـا
وعقب ما شاف انه كسير الجناحين=ألقى السلاح وصار ضمن أمنعانـا
وبيته جلسنا فيـه بيـن الصلاتيـن=وعلـى اشـداده باليسـار اتكانـا
وكشف قمرهم وسجدوا مستغيثيـن=وطبوا مـن السلـم وحنـا رقانـا
صارت عليكم مثل نكبـة فلسطيـن=من نار(3) قـال الحمـدلله نجانـا
وابن نحيت حجاب بيـن المثاريـن=ثـارت عليـه بمعتلجهـن رحانـا
ينخى بني سالم وهم عنـه مقفيـن=وخاب الرجا فيهـم وعـود نخانـا
وجسمه تشارك فيه شلفا ورمحيـن=وشلناه وسقان نحيـت فـي دوانـا
وحزّن على ربعه وربعـه حزينيـن=عليه يوم انـه ألتـوى فـي ذرانـا
والحرمليـه كونهـا يالمساجـيـن=منتـم فـي هـاك النهـار اقبلانـا
لكن قابلنـا صعـوط المجانيـن(4)=الضيغمـي جمـع علينـا عـدانـا
رخم الجموع اللي تسوق الملاييـن=وانتـم عدتـوا فزعتـه ياحلفانـا
نفـذ علـى كـل القبايـل قوانيـن=وانتم خضعتوا لـه وحنـا عصانـا
هدر جمل شمـر وقلتـوا مطيعيـن=ويوم إن حنيتوا للامر مـا انحنانـا
لنا عزايم تفـدح الخصـم وتهيـن=طنا الطنايا مانقـص مـن طانانـا
حصل لنا صـولات وايـام وسنيـن=نسقيـه بالسـم الذحـاح وسقانـا
وكم راس شيخ طاح بين الفريقيـن=نحط مـن فـوق اذبحـاه اذبحانـا
وأنكف عقب ماشاف في جلده البين=هو مأيسـن منـا وحنـا اكتفانـا
وممكن قضيتوا من بعض دينكم دين=وحنا عقب عـدة ليالـي اقتضانـا
وعبدالعزيز اللي رفع رايـة الديـن=اللـي ليـا خـم النشيـط يتـوانـا
اللي تخاضع له رقـاب الفراعيـن=مـن هيبتـه كـلٍ يريـد الأمانـا
بالسيف صارعناه وسـط المياديـن=وانتـم تخامرتـوا سـوات السمنـا
ماعمرنا نذعـن لحكـم السلاطيـن=ألا بيـومٍ ينتصـر بــه حـدانـا
انتم كما شغل الهنـوف ام وجهيـن=اللي لها مع كـل عاشـق ضمانـا
توعد ولا توفـي بوعـد المحبيـن=ودايـم تشبـرق للجديـد وتـدانـا
ليا شفتوا الحاكم نهضتـوا خفيفيـن=وقلتـوا ترانـا ياسنـدنـا تـرانـا
اسمع كلام الضيغمي وافهمه زيـن=فالحربي اللي نـار عنـه ونصانـا
منتم بذمـه والحميـري مخيفيـن=من حرب نار والتقـوا مـن ورانـا
ماجالهم من حرب فـزاع ومعيـن=كـلٍ يقـول مـن الضياغـم بلانـا
وحنا حميناهـم بحـدب العرانيـن=وشالت حمولـن ضاهدتـم ايدانـا
وعن مانقوله حرب سمعوا داريـن=ميـرٍ فيهـم مـن يحـب المشانـا
وان كان غـاوٍ البنيـدر وابوعيـن=الشرق الاوسط معتـرف ماغوانـا
اخبارنا قد هـزت الهنـد والصيـن=ولا همنا الهيس العور لـو هجانـا
ولو كان فالاعلام ضمن المذيعيـن=البـاع قاصـر والطويـل اللسانـا
عن الدعاية يـا الحميـدي غنييـن=افعالنـا تشهـد عليهـا اعـدانـا
وقـولٍ نقولـه ثابـتٍ بالدواويـن=وتاريـخ نجـد المعتمـد مانسانـا
ايام عرجـا قـد عطتنـا نياشيـن=وفي ايام معتق يشهـدون اعتقانـا
العفـو عنـد المقـدره للكريميـن=وحنـا ليـا منـا قدرنـا عفـانـا
وكان الحميدي جاء مطية شياطيـن=لو يشعبونـه مـا لحـق منتهانـا
وان كان له خمـة رخـومٍ ملبيـن=حنا عن انصار الحميدي مـا درانـا
هـذا كـلام يفّحـم المستحقـيـن=وعاداتنـا نقطـع لسـان طّلبـانـا
التوقيع |
إن قلَّـت الوزنـه وربعـي مشافيـح ** أخلـي الوزنـه لربعـي واشـومـي
|