محاورة ثانية رائعه وقوية وفيها معنى قد لعب عليه مطلق ومستور في محاورة أخرى ..
صياف:
والله إني ما اسمي رشيد الأمير .. كان كثر الخطا بين برقا وروق * قامت الناس تومي مشاعيبها .. قامت الناس تومي مشاعيبها
قامت السالفة بينهم تستثير .. نوب تنزل شوية ومرات فوق * ليت الأصحاب تنظر لأصاحيبها .. ليت الأصحاب تنظر لأصاحيبها
رشيد:
ما طلبنا غنى من مرحب فقير .. عند قطع الأزره ومسك الحلوق * والعرب بينها ويش تبغي بها .. والعرب بينها ويش تبغي بها
الثبيتي مربيك وأنتا صغير .. وأصبحت سرقة جاية(ن) من سروق * لكن ألحين ودك تغني بها .. لكن ألحين ودك تغني بها
صياف:
والله أنا ما نبغى الدعاوي تصير .. بين ورق الشجر واللحى والعروق * العرب تاخذ أخبار وتجيبها .. العرب تاخذ أخبار وتجيبها
أذكر الأوله والنهار الأخير .. قبل تعجل يا راع الحصان السبوق * حرب وثبيت تفتل في أشنايبها .. حرب وثبيت تفتل في أشنايبها
رشيد:
الهواوي يخلط العسل والشعير .. يحسب الخلط ينباع في كل سوق * وإن بدت في يده وش يسوي بها .. وإن بدت في يده وش يسوي بها
والله إنا نعرف الرغا والهدير .. إن بغينا نسوق البعارين سوق * حرب وثبيت نعرف هناديبها .. حرب وثبيت نعرف هناديبها
صياف:
يالزلامي عطيناك سمن ومضير .. مير بطنك ما يملاه غير الغبوق * كل الأجواد باحت محاليبها .. كل الأجواد باحت محاليبها
رحت ذيب حمر كل ليله تغير .. وأنت مالك على أهل الدفينة حقوق * وإن لقيت المساجد تصلي بها .. وإن لقيت المساجد تصلي بها
رشيد:
يا كثر خيركم ما ورى حرب خير .. والزلامي لبعض العطا ما يذوق * حطتك نية الخير في جيبها .. حطتك نية الخير في جيبها
أنت قطعة حريبي وشرك شرير .. كيف تلبس عباتك وفيها شقوق * وأهل رابغ وعسفان يا طيبها .. وأهل رابغ وعسفان يا طيبها
وسلامتكم