السلام عليكم ورحمة الله وبركاته
اعضاء وزوار منتدى الهيلا الرسمي..
اقدم لكم هذه القصيدة التي اتمنا تنال على رضاكم
باب الضيافه ياعرب لايسكر=خلوه مفتوحٍ لكل المسايير
اليا لفا طرقي هجاد او مبكر=يلقا المرحب و الدلال المباهير
وعلومٍ بهيل الجزاله تحكر=الذ واحلى من حليب المصاغير
وراع الجماله بالجمايل يذكر=بين الرجال الطيبن المناعير
لون تال الوقت جوه تعكر=مدري من العربان والا المقادير
اشوف بعض الناس قام يتنكر=في واجب الضيفان يصنع معاذير
امسيب ضيوفه مغير يتمكر=مايعزم الا اللي ينقط دنانير
دايم يرحبله وبالهرج سكر= ولاهيب لله من وراها مداوير
واللي ذبح لجل المصالح يفكر=ماينفعه لـو بدل الحيل ببعير
ذبحٍ لغير الله فلا لـه مشكر=وهذا ومثله ياعساه المخاسير
ودك من علوم المراجل ينكر=ويقاطعونه فالعجل دون تاخير
وانا مااعم الناس لوقلت اذكر =وصوير عله عقبها يبلغ عوير
أخوكم الدائم/عناد الشيباني