محراااف جميل
بين العملاق صياف الحربي يرحمه الله والمبدع مسعود العصيمي
صياف الحربي=
يقولون بين الناس مسعد ومسعود = وانا اظن مستورالعصيمي رفيقه
وانا افرح لياشفت ابن الاجواد موجود = يحفظ الشجاعه قبل يشرق بريقه
مسعود العصيمي =
سمعت الكلام اللي له اثبات وشهود = ولالك علانا يالسحيمي طريقه
اقول الولد لاقام يكفي عن العود = عسى الله يعز اللي يعد الحقيقه
صياف الحربي=
يمر الزمان الزين ويروح ويعود = ويطلع ولد عمه واخوه وشقيقه
عسى الماء في ذاك البير ماهو بمحدود = ويشرب عبيدالله ويعطي صديقه
مسعود العصيمي =
يمر الزمن ويعود والعد مارود = وكلآ يشجع يالسحيمي فريقه
حساب الليال البيض يغلب على السود = وانا احسب حساب الثانيه والدقيقه
صياف الحربي=
تبا تاخذ المشوار وترجع الزود = ترده لو ان القصر يغدي حريقه
نسوق الجمال العفر ونقودها قود = عساها تشيل الحمل ثم العليقه
مسعود العصيمي =
طريق الشقا للناس ياحرب ممدود = وانا الحمد لله في يديني وثيقه
نبا نختلف لن كان ماهبت النود = وصياف يحصل معه فالصدر ضيقه
صياف الحربي=
طريق الشقا نكبة وجمرة على عود = ومن لاسرق مانتهمه بالسريقه
نبا نختلف لاصار صاحين ورقود = ليافطروهم بالمرق والسليقه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|