[وصل الشهيب]

إلى أخواني مؤسَـسـين منتدى قبيلة عتيبه الهيلا .أولاً

وأعضاءه وزواره المحترمين .ثانياً

هذه أبيات مختصره جداً تعبر عن نفسها

لعلها تجد منكم القبول

كل رجلاً فيه شيمه وقيمه واحترام=يذكر إسمه والقبيله ويرفع هامته
واهل الأسما المستعاره كثيرين الكلام=الهوى اللي هزَهم مايهز اعمامته
مايفكر بالخفافيش في جنح الظلام=أرضنا ماهي لها والسما ماحامته
حج من حج اوقضى حجه اوحل الحرام=و يوم تسعه باقي أمة محمد صامته
و فيه ناسٍ مايعرفون حج اولا صيام=يعرفون الثرثره والعوارف صامته
ياكثر ماشوف من ناس تعمه بالحلام=تدَعي بالشعر.بحر الشعر ماعامته
الشعر معنى ومغنى ولأوزانه نظام=فكروا زين ابمعانيه يانظَامته
الشعر فيه الرثا والشعر فيه الغرام=والشعر فيه الحكم تنسب إلحكَامته
الشعر موروث الأجيال عاماً بعد عام=يجهله من يجهله.تفهمه فهَامته
جيت شاعر واهدي عتيبه الهيلا سلام=والعدو يحتاج له لطم يالطَـامته

وسلامتكم

13/12/1431هـ

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

آخر تعديل وصل الشهيب يوم 20-Nov-2010 في 05:08 AM.